കുന്ദമംഗലം: പിണറായി വിജയനും മുഹമ്മദ് റിയാസിനുമെതിരെ എൻഫോഴ്സ്മെന്റ് ഡയറക്ടറേറ്റിനെ (ഇ.ഡി) ഉപയോഗിച്ച് അന്വേഷണം നടത്താനുള്ള നീക്കത്തിനെതിരെ സി.പി.ഐ.എം കുന്ദമംഗലം ഏരിയാ കമ്മിറ്റി നേതൃത്വത്തിൽ കുന്നമംഗലത്ത് പ്രതിഷേധം സംഘടിപ്പിച്ചു.
പ്രതിഷേധം സി.പി.ഐ.എം ഏരിയാ സെക്രട്ടറി പി. ഷൈപു ഉദ്ഘാടനം ചെയ്തു. ഏരിയാ കമ്മിറ്റി അംഗം ടി.കെ. മുരളീധരൻ അധ്യക്ഷത വഹിച്ചു. എം.എം. സുധീഷ് കുമാർ സ്വാഗതം പറഞ്ഞു.
ഏരിയാ കമ്മിറ്റി അംഗങ്ങളായ ഷാജി പുത്തലത്ത്, വി. അനിൽകുമാർ, എം.കെ. മോഹൻദാസ്, കെ. ശ്രീധരൻ എന്നിവർ പ്രതിഷേധത്തിന് നേതൃത്വം നൽകി.
