ഭുവനേശ്വർ: ഒഡീഷ തീരത്ത് ബംഗാൾ ഉൾക്കടലിൽ ചരക്ക് കപ്പൽ മുങ്ങി. പാനമ പതാകയേന്തിയ എംവി ഒഷ്യന്-വിന്നര് എന്ന കപ്പലാണ് അപകടത്തിൽപ്പെട്ടത്. 1,700 ടണ് ഇരുമ്പ് അയിരുമായി സിംഗപ്പൂരിലേക്ക് പുറപ്പെട്ട കപ്പലാണ് അപകടത്തിൽപ്പെട്ടത്. കഴിഞ്ഞ ദിവസമാണ് കപ്പൽ യാത്ര ആരംഭിച്ചത്.
24 ജീവനക്കാരിൽ 20 പേരും ചൈനീസ് പൗരന്മാരുമാണ് കപ്പലിലുണ്ടായിരുന്നത്. രണ്ട് പേരെ രക്ഷിച്ചതായി കോസ്റ്റ് ഗാർഡ് അറിയിച്ചു. ഇന്ത്യൻ കോസ്റ്റ് ഗാർഡും ഇന്ത്യൻ നാവികസേനയും സംയുക്തമായി രക്ഷാപ്രവർത്തനം ആരംഭിച്ചിട്ടുണ്ട്. പ്രദേശത്തുകൂടി കടന്നുപോകുന്ന മറ്റ് കപ്പലുകൾക്കും ജാഗ്രതാ നിർദേശം നൽകിയിട്ടുണ്ട്. കപ്പൽ ഗതാഗത നിരീക്ഷണ പ്ലാറ്റ്ഫോമായ മറൈൻ ട്രാഫിക്കിന്റെ വിവരങ്ങൾ പ്രകാരമാണ് കപ്പലിന്റെ യാത്രാ വിവരങ്ങൾ ലഭ്യമായത്.
