ഉറവിടമറിയാതെ കോവിഡ് രോഗികളുണ്ടാവുന്ന പശ്ചാത്തലത്തില് തലസ്ഥാനത്ത് നിയന്ത്രണങ്ങള് ശക്തമാക്കും. മണക്കാട് സ്വദേശിയായ ഓട്ടോ ഡ്രൈവര്ക്ക് പിന്നാലെ മെഡിക്കല് കോളജ് ആശുപത്രിയിലെ സുരക്ഷാ ജീവനക്കാരനും ഇന്നലെ കോവിഡ് സ്ഥിരീകരിച്ചതോടെ തിരുവനന്തപുരം നഗരം സമൂഹ വ്യാപനം നടന്നോ എന്ന ആശങ്കയിലാണ്. സ്ഥിതി വിലയിരുത്താന് വീഡിയോ കോണ്ഫറന്സിലൂടെ ഇന്ന് തദ്ദേശസ്ഥാപനങ്ങളുടെ യോഗം വിളിച്ചിട്ടുണ്ട്. സമൂഹവ്യാപനം തടയാന് ജില്ലാ അതിര്ത്തികളിലും തീരപ്രദേശങ്ങളിലും പരിശോധന വര്ദ്ധിപ്പിക്കും.
പ്രധാനചന്തകളില് അന്പത് ശതമാനം കടകള് മാത്രമേ തുറക്കൂ. ഓട്ടോയിലും ടാക്സിയിലും യാത്ര ചെയ്യുന്നവര് വണ്ടിയുടെ നമ്പറും ഡ്രൈവറുടെ പേരും കുറിച്ചെടുക്കണം. നഗരസഭയില് പരാതിയുമായി വരുന്നവര്ക്കും, ആശുപത്രികളില് സന്ദര്ശകര്ക്കും വിവാഹ മരണാനന്തര ചടങ്ങുകള്ക്കും നിയന്ത്രണം ഉണ്ട്.