പശ്ചിമബംഗാളില് പശുവിനെ കടത്തിയെന്ന് ആരോപിച്ച് രണ്ട് പേരെ തല്ലിക്കൊന്നു. ഇന്നലെയാമ് മതാബംഗാ മേഖലയില് ആള്ക്കൂട്ടാക്രമണത്തില് രണ്ട് പേര് കൊല്ലപ്പെട്ടത്. സംഭവത്തില് 13 പേരെ പൊലീസ് അറസ്റ്റ് ചെയ്തു.
പശുവുമായി പിക് അപ്പ് വാനില് പോകുന്നതിനിടെ റൈബുല് ഇസ്ലാമിനെയും പ്രകാശ് ദാസിനെയും ഒരു സംഘം ആളുകള് തടഞ്ഞുവയ്ക്കുകയായിരുന്നു. ഇവര് പശുവിനെ കടത്തിക്കൊണ്ടു പോകുകയാണെന്ന് ആരോപിച്ച് ആക്രമിക്കുകയും ചെയ്തു. ിവസങ്ങള്ക്ക് മുമ്പ് ഈ പ്രദേശത്തു നിന്ന് മോഷ്ടിച്ചതാണ് ഈ പശുക്കളെ എന്നായിരുന്നു ഇവരുടെ ആരോപണം. ഇവരെ ആക്രമിച്ചതിന് പിന്നാലെ ആള്ക്കൂട്ടം ഇവരുടെ വാഹനത്തിന് തീയിടുകയും ചെയ്തിരുന്നു. ഇരുവരെയും പ്രദേശത്തെ ഒരു സ്വകാര്യാശുപത്രിയില് കൊണ്ടുപോയെങ്കിലും അവിടെവച്ച് ഇരുവരും മരിച്ചു.