ലോകത്തെയാകെ ഭീതിയിലാഴ്ത്തിയ കോവിഡ് 19 വൈറസിനെ പിടിച്ചുകെട്ടാനായി പ്രധാനമന്ത്രി ആഹ്വാനം ചെയത ജനത കര്‍ഫ്യൂവില്‍ പൂര്‍ണ സഹകരണം ഉറപ്പാക്കി കുന്ദമംഗലം. കേരളത്തില്‍ കോവിഡ് 19 പടര്‍ന്നുകൊണ്ടിരിക്കവുന്ന സാഹചര്യത്തില്‍ ജനത കര്‍ഫ്യൂവിന്റെ പ്രാധാന്യം മനസ്സിലാക്കി എല്ലാവരും സഹകരിച്ചു. രാവിലെ മുതല്‍ വിജനമാണ് കുന്ദമംഗലം അങ്ങാടി. ഹര്‍ത്താലാണെങ്കില്‍ പോലും ഇരുചക്രവാഹനങ്ങളിലും മറ്റുമായി പലരും പുറത്തിറങ്ങാറുണ്ടെങ്കിലും ഇന്ന് സ്ഥിതി വ്യത്യസ്ഥമാണ്. കര്‍ഫ്യൂവുമായി സഹകരിക്കാന്‍ മുഖ്യമന്ത്രികൂടി ആഹ്വാനം ചെയ്തതോടെ പച്ചക്കറിക്കടയിലും ബീഫ് കടയിലും ഇന്നലെ രാവിലെ മുതല്‍ വലിയ തിരക്കായിരുന്നു. രാജ്യത്തോടുള്ള പ്രതിബദ്ധത മനസ്സിലാക്കി എല്ലാവരും വീട്ടില്‍ ഇരിക്കുകയാണ്. സ്വകാര്യ ബസ്സുകളോ വാഹനങ്ങളോ നിരത്തിലിറങ്ങിയില്ല. കടകളെല്ലാം പൂര്‍ണമായും അടച്ചിട്ടിരിക്കുകയാണ്. കുന്ദമംഗലത്ത് ആദ്യമായാണ് ഇത്തരത്തില്‍ വിജനമാവുന്നത്. മഹാമാരിയെ തുരത്താനായി ജനങ്ങള്‍ ഓരോരുത്തരും പങ്ക് നിര്‍വ്വഹിച്ചു എന്നത് വലിയ ആശ്വാസമാണ്.
