ജോസ് കെ മാണി വിഭാഗത്തിന് രണ്ടില ചിഹ്നം അനുവദിച്ചുകൊണ്ട് കേന്ദ്ര തെരഞ്ഞെടുപ്പ് കമ്മീഷന്റെ തീരുമാനത്തിനെതിരെ പി.ജെ ജോസഫ് നല്കിയ ഹരജി തള്ളി ഹൈക്കോടതി .രണ്ടില ചിഹ്നം ആവശ്യപ്പെട്ടാണ് പി.ജെ ജോസഫ് ഹൈക്കോടതിയെ സമീപിച്ചത്.
തിരഞ്ഞെടുപ്പ് കമ്മീഷന്റെ തീരുമാനത്തില് ഇടപെടാന് സാധിക്കില്ലെന്ന് കോടതി പറഞ്ഞു. കേരള കോണ്ഗ്രസ് എം എന്ന പാര്ട്ടിയും രണ്ടില ചിഹ്നവും ജോസ് കെ. മാണിക്ക് അവകാശപ്പെട്ടതാണ് എന്ന തിരഞ്ഞെടുപ്പ് കമ്മീഷന്റെ തീരുമാനം കോടതി അംഗീകരിച്ചു. പാര്ട്ടിക്ക് വലിയ കരുത്ത് നല്കുന്നതാണ് കോടതി വിധിയെന്ന് ജോസ് കെ. മാണി പ്രതികരിച്ചു.
നേരത്തെ പിജെ ജോസഫിന്റെ ഹരജി സിംഗിള് ബെഞ്ച് തള്ളിയിരുന്നു. ഇതിനെതിരെ ചീഫ് ജസ്റ്റിസ് അടങ്ങുന്ന ഡിവിഷന് ബെഞ്ചിലാണ് അപ്പീല് സമര്പ്പിച്ചിരുന്നത്. ഈ അപ്പീലാണ് ഇപ്പോള് തള്ളിയിരിക്കുന്നത്. സംസ്ഥാന സമിതി അംഗങ്ങളുടെ എണ്ണം ശരിയായി പരിശോധിക്കാതെയാണ് തെരഞ്ഞെടുപ്പ് കമ്മീഷന് രണ്ടില ചിഹ്നം അനുവദിച്ചതെന്ന് കാണിച്ചാണ് പി.ജെ ജോസഫ് അപ്പീല് നല്കിയിരുന്നത്