കേരള സോഫ്റ്റ് ടെന്നീസ് അസോസിയേഷന്റെ ആഭിമുഖ്യത്തിൽ കോസ്മോ പൊളിറ്റൻ ക്ലബ്ബിൽ നടന്ന സംസ്ഥാന സബ് ജൂനിയർ സോഫ്റ്റ് ടെന്നീസ് ചാമ്പ്യൻഷിപ്പിൽ ആൺകുട്ടികളുടെ വിഭാഗത്തിൽ കോഴിക്കോടും പെൺകുട്ടികളുടെ വിഭാഗത്തിൽ പാലക്കാടും ജേതാക്കളായി. ആൺ കുട്ടികളിൽ തൃശൂരും പെൺകുട്ടികളിൽ മലപ്പുറവും രണ്ടാം സ്ഥാനം നേടി. കേരള സ്പോർട്സ് കൗൺസിൽ അംഗം ടി.എം അബ്ദുറഹിമാൻ ജേതാക്കൾക്ക് ട്രോഫി സമ്മാനിച്ചു. കെ. പി. യു അലി അധ്യക്ഷത വഹിച്ചു. ഏ.കെ മുഹമ്മദ് അഷ്റഫ് , അഡ്വ. ജാസിർ, ഡേവിഡ് മാർട്ടിൻ, പി.സി അബ്ദുൽ ബാസിത് എന്നിവർ ആശംസകൾ നേർന്നു. സി.ടി ഇൽയാസ് സ്വാഗതവും പി. ഷഫീഖ് നന്ദിയും പറഞ്ഞു.
ഫോട്ടോ കേപ്ഷൻ: കോസ്മോ പൊളിറ്റൻ ക്ലബ്ബിൽ നടന്ന സംസ്ഥാന സബ് ജൂനിയർ സോഫ്റ്റ് ടെന്നീസ് ചാമ്പ്യൻഷിപ്പിൽ ആൺ കുട്ടികളുടെ വിഭാഗത്തിൽ ജേതാക്കളായ കോഴിക്കോട് ജില്ലാ ടീമിന് കേരള സ്പോർട്സ് കൗൺസിൽ അംഗം ടി.എം അബ്ദുറഹിമാൻ ട്രോഫി സമ്മാനിക്കുന്നു.