ഇന്ത്യയുടെ 47-ാമത് ചീഫ് ജസ്റ്റിസായി ശരദ് അരവിന്ദ് ബോബ്‌ഡെ (സിജെഐ) ഡല്‍ഹിയിലെ രാഷ്ട്രപതി ഭവനില്‍ സത്യപ്രതിജ്ഞ ചെയ്തു. രാഷ്ട്രപതി രാം നാഥ് കോവിന്ദ് ്‌സത്യവാചകം ചൊല്ലിക്കൊടുത്തു. 1 ജസ്റ്റിസ് രഞ്ജന്‍ ഗോഗോയിയുടെ പിന്‍ഗാമിയായിട്ടാണ് ജസ്റ്റിസ് ബോബ്‌ഡെ സത്യപ്രതിജ്ഞ ചെയ്തത്.
ചീഫ് ജസ്റ്റിസ് ബോബ്‌ഡെയുടെ കാലാവധി ഏകദേശം 17 മാസമാണ്, 2021 ഏപ്രില്‍ 23 ന് ഔദ്യോഗിക സ്ഥാനം അവസാനിപ്പിക്കും. അയോദ്ധ്യയിലെ തര്‍ക്ക സ്ഥലത്ത് ഒരു രാമക്ഷേത്രം പണിയുന്നതിനുള്ള ചരിത്രപരമായ വിധി പുറപ്പെടുവിച്ച അഞ്ച് ജഡ്ജി ഭരണഘടനാ ബെഞ്ച് ഉള്‍പ്പെടെ നിരവധി പ്രധാന കേസുകളുടെ ഭാഗമായിരുന്നു ജസ്റ്റിസ് ബോബ്‌ഡെ.
സ്വകാര്യതയ്ക്കുള്ള അവകാശം ഇന്ത്യയില്‍ ഭരണഘടനാപരമായി സംരക്ഷിക്കപ്പെടുന്ന മൗലികാവകാശമാണെന്ന് 2017 ഓഗസ്റ്റില്‍ ഏകകണ്ഠമായി വാദിച്ച അന്നത്തെ സിജെഐ ജെ എസ് ഖേഹറിന്റെ നേതൃത്വത്തിലുള്ള ഒമ്പത് ജഡ്ജിമാരുടെ ബെഞ്ചിന്റെ ഭാഗമായിരുന്നു ചീഫ് ജസ്റ്റിസ് ബോബ്‌ഡെ.
