കുന്ദമംഗലം I മുറിയനാലില് പ്രവര്ത്തിക്കുന്ന ഹോട്ടല് പാരഡൈസിനെതിരേ കഴിഞ്ഞ ദിവസമുണ്ടായ ആരോപണങ്ങളുമായി ബന്ധപ്പെട്ട് സത്യാവസ്ഥ പുറത്ത് കൊണ്ടുവരണമെന്നാവശ്യപ്പെട്ട് കേരള വ്യാപാരി വ്യവസായി ഏകോപന സമിതി കുന്ദമംഗലം പഞ്ചായത്ത് കോ ഓഡിനേഷന് കമ്മിറ്റി മുറി യനാലിൽ പ്രതിഷേധ കൂട്ടായ്മ സംഘടിപ്പിച്ചു.
കുറ്റക്കാരെ കണ്ടെത്തി നടപടി സ്വീകരിക്കണമെന്ന് കമ്മിറ്റി ആവശ്യപ്പെട്ടു. കേരള വ്യാപാരി വ്യവസായി ഏകോപന സമിതി ജില്ലാ വൈസ് പ്രസിഡന്റ് എം. ബാബുമോന് ഉദ്ഘാടനം ചെയ്തു. എന്.പി. തന്വീര് അധ്യക്ഷത വഹിച്ചു. പി. ജയശങ്കര്, എന്. വിനോദ്കുമാര്, സുനില് കണ്ണോറ, സുനീര് പടനിലം, കെ. അഷ്റഫ് , ബെന്നി ജോര്ജ്
മുഹമ്മദ് പാലക്കൽ, നിമ്മി സജി , ടി ജിനിലേഷ് ,സുബൈർ പടനിലം , ശ്രീനാഥ് ഏബിൾ ,എന്നിവര് സംസാരിച്ചു. ഹോട്ടലിന്റെ പ്രവര്ത്തനം തടസപ്പെടുത്തിയവര്ക്കെതിരേ നിയമ നടപടി സ്വീകരിക്കണമെന്നാവശ്യപ്പെട്ട് ഉടമ കുന്ദമംഗലം പോലീസില് പരാതി നല്കി.
