കള്ളപ്പണം വെളുപ്പിക്കലിൽ സംസ്ഥാന പോലീസ് ഉദ്യോഗസ്ഥരെക്കുറിച്ച് അന്വേഷിക്കാൻ എൻഫോഴ്സ്മെൻറ് ഡയറക്ടറേറ്റ്.രണ്ട് ഇന്സ്പെക്ടര് റാങ്കിലുള്ള ഉദ്യോഗസ്ഥര് ഉള്പ്പെടെയുള്ളവര്ക്കെതിരെയാണ് അന്വേഷണം. ഉദ്യോഗസ്ഥര്ക്കെതിരായ വിവരങ്ങള് തേടി ഇ.ഡി ഡെപ്യൂട്ടി ഡയറക്ടര് ഡിജിപിക്കും വിജിലന്സ് മേധാവിക്കും കത്തയച്ചു. എറണാകുളം ജില്ലയിലെ തടിയിട്ടപറമ്പ് സ്റ്റേഷനിലെ എസ്എച്ച് ഒ സുരേഷ്കുമാര്, എഎസ്ഐ ജേക്കബ്, സിപിഒ ജ്യോതി ജോര്ജ്ജ്, , കൊടകര എസ്എച്ചഒ അരുണ് ഗോപാലകൃഷ്ണൻ എന്നിവരുടെ ഇടപാടുകള് സംശയകരമെന്നാണ് ഇഡി കണ്ടെത്തിയത്.
സംസ്ഥാന പോലീസിലെ പല ഉദ്യോഗസ്ഥരും അനധികൃതമായി സ്വത്തുക്കൾ സമ്പാദിക്കുന്നതായി നേരത്തെ തന്നെ പരാതി ഉയർന്നിരുന്നു. ഉന്നത ഐപിഎസ് ഉദ്യോഗസ്ഥരിൽ തുടങ്ങി താഴേത്തലത്തിൽ വരെയുള്ള ഉദ്യോഗസ്ഥർക്കെതിരെ പരാതികൾ എൻഫോഴ്സ്മെൻറ് ഡയറക്ടറേറ്റിന് ലഭിച്ചു. ഈ സാഹചര്യത്തിലാണ് സംസ്ഥാന പൊലീസിലെ ഉദ്യോഗസ്ഥരുടെ വിവരം ചോദിച്ച് ഇഡി കത്തെഴുതിയത്.
