
മലപ്പുറം : ഓടുന്ന കാറിൻ്റെ ടയർ പൊട്ടി നിയന്ത്രണം വിട്ട കാറിടിച്ച് വയോധികൻ മരിച്ചു. മലപ്പുറം പാണ്ടിക്കാട് തമ്പാനങ്ങാടി സ്വദേശി കാരക്കാടൻ ആസാദ് ആണ് മരിച്ചത്.തമ്പാനങ്ങാടി എൽ.പി സ്കൂളിനു മുന്നിലായിരുന്നു അപകടം. ഇടിയുടെ ആഘാതത്തിൽ അസാദ് സ്കൂൾ മതിലിലേക്ക് തെറിച്ചു വീണു. കാർ എതിരെ വന്ന ഓട്ടോയിൽ ഇടിച്ച് ഓട്ടോ ഡ്രൈവർക്കും പരുക്കേറ്റു. ആസാദിനെ ഉടൻ ആശുപത്രിയിലെത്തിച്ചെങ്കിലും രക്ഷിക്കാനായില്ല.