ന്യുഡല്ഹി: നടിയെ ആക്രമിച്ച കേസില് മെമ്മറി കാര്ഡ് രേഖ തന്നെയെന്ന് സംസ്ഥാന സര്ക്കാര് സുപ്രിംകോടതിയില്. മെമ്മറി കാര്ഡ് രേഖയാണോ തൊണ്ടി മുതലാണോ എന്ന് വ്യക്തമാക്കണമെന്ന് കഴിഞ്ഞ ദിവസം സുപ്രിംകോടതി സര്ക്കാരിനോട് ആവശ്യമുന്നയിച്ചിരുന്നു.
മെമ്മറി കാര്ഡ് രേഖയാണെങ്കില് അത് ലഭിക്കണമെന്നാണ് ദിലീപിന് വേണ്ടി ഹാജരായ അഭിഭാഷകന് വാദിച്ചിരുന്നത്. എന്നാല് രേഖയാണെങ്കിലും അത് ദിലീപിന് കൈമാറരുതെന്നും ഇരയുടെ സ്വകാര്യതയും സുരക്ഷയും കണക്കിലെടുക്കണമെന്നും സര്ക്കാര് കോടതിയെ അറിയിച്ചു. കഴിഞ്ഞ ദിവസം മെമ്മറി കാര്ഡിന്റെ പകര്പ്പ് ദിലീപിന് നല്കരുതെന്ന് ആവശ്യപ്പെട്ട് ആക്രമണത്തിന് ഇരയായ നടി സുപ്രിംകോടതിയെ സമീപിച്ചിരുന്നു.