ഓഗസ്റ്റ് 14 വിഭജനഭീതിയുടെ അനുസ്മരണ ദിനമായി ആചരിക്കുമെന്ന് പ്രധാനമന്ത്രി നരേന്ദ്ര മോദി.വിഭജനത്തിന്റെ വേദന ഒരിക്കലും മറക്കാന് കഴിയില്ലെന്നും പ്രധാനമന്ത്രി പറഞ്ഞു.
‘വിഭജനത്തിന്റെ വേദന ഒരിക്കലും മറക്കാനാവില്ല, വിദ്വേഷവും അക്രമവും കാരണം നമ്മുടെ ലക്ഷകണക്കിന് സഹോദരി സഹോദരന്മാര്ക്ക് പലായനം ചെയ്യേണ്ടി വന്നു പലര്ക്കും ജീവന് നഷ്ടപ്പെട്ടു. ആ ജനതയുടെ ത്യാഗസ്മരണയ്ക്കായി ഓഗസ്റ്റ് 14 ‘വിഭജനഭീതിയുടെ സ്മരണാ ദിനമായി ആചരിക്കാന് തീരുമാനിച്ചു’ ട്വിറ്ററിലൂടെയായിരുന്നു മോദി പുതിയ ദിനാചാരണത്തെ കുറിച്ചറിയിച്ചത്..
വിഭജന ഭീതിയുടെ ഈ ഓര്മദിനം സാമൂഹ്യ വിഭജനത്തിന്റെയും വൈരത്തിന്റെയും വിഷവിത്ത് നീക്കി മൈത്രിയുടേയും മാനുഷിക ഉന്നമനവും ശക്തിപ്പെടുത്തുമെന്നും പ്രധാനമന്ത്രി മോദി കൂട്ടിച്ചേര്ത്തു. മോദിയുടെ നിലപാടിനെതിരെ പ്രതിപക്ഷ കക്ഷികള് രംഗത്തെത്തി. വിഭജനം ദൗര്ഭാഗ്യകരം തന്നെയാണെന്നും എന്നാല് മോദിയുടെ പ്രഖ്യാപനം വിദ്വേഷവും വിഭജനവും വളര്ത്തുന്നതാണെന്നും മുതിര്ന്ന കോണ്ഗ്രസ് എ.കെ. ആന്റണി പ്രതികരിച്ചു.
