News

മാഞ്ഞുപോയ സീബ്ര ലൈനുകള്‍; അപകടം പതിയിരിക്കുന്നു

കുന്ദമംഗലം; കുന്ദമംഗലം എന്‍എച്ച് 212 ല്‍ സീബ്രലൈനുകള്‍ മാഞ്ഞുപോയത് അപകടങ്ങള്‍ക്ക് കാരണമാവുന്നു. കുന്ദമംഗലം അങ്ങാടി,യുപി സ്‌കൂള്‍, മര്‍ക്കസ് ബസ് സ്റ്റോപ്പ് എന്നിവിടങ്ങളിലെല്ലാമാണ് സീബ്ര ലൈനുകള്‍ മാഞ്ഞുപോയത്. എല്ലാ സമയവും വാഹനക്കുരുക്കും തിരക്കുമുള്ള ഇതിലൂടെ റോഡ് മുറിച്ച് കടക്കാന്‍ ഏറെ പ്രയാസമാണ്.പലപ്പോളും ഇവിടെ അപകടങ്ങള്‍ ഉണ്ടാവുന്നതും പതിവ് കാഴ്ചയാണ്. ഇന്നലെ കുന്ദമംഗലത്ത് മുക്കം വയനാട് റോഡ് ജംഗ്ഷനില്‍ സീബ്രലൈനിലൂടെ മുറിച്ച്കടക്കാന്‍ ശ്രമിച്ച പതിമംഗലം സ്വദേശി അബ്ദുള്‍ ഖാദറിന് ബൈക്ക് ഇടിച്ച് കാലിന് പൊട്ടല്‍ സംഭവിച്ചു. ഇത്തരത്തില്‍ ശ്രദ്ധിക്കാതെ പോകുന്ന ചെറിയ നിരവധി അപകടങ്ങളിവിടെ നടക്കുന്നുണ്ടെന്നാണ് നാട്ടുകാര്‍ പറയുന്നത്.

നിരവധി വിദ്യാഭ്യാസ സ്ഥാപനങ്ങളാണ് കുന്ദമംഗലത്ത് പ്രവര്‍ത്തിക്കുന്നത്. വൈകുന്നേരങ്ങളില്‍ ആയിരക്കണക്കിന് കുട്ടികള്‍ അങ്ങാടിയില്‍ എത്തുന്നുണ്ട്. കൂടാതെ ഗതാഗതക്കുരുക്കും കൂടിയാവുമ്പോള്‍ റോഡ് മുറിച്ച് കടക്കുന്നത് വലിയ വെല്ലുവിളിയാണ്. സീബ്രലൈന്‍ മാഞ്ഞുപോയതിനാല്‍ അത് ശ്രദ്ധിക്കാതെയാണ് വാഹനങ്ങള്‍ വേഗത്തില്‍ വരുകയും ചെയ്യുന്നത്.
പലപ്പോഴും പല സംഘടനകളും ഇതിനെതിരെ പ്രതിഷേധിക്കുകയും അധികാരികളുടെ ശ്രദ്ധയില്‍പ്പെടുത്തുകയും ചെയ്തിട്ടും പരിഹാരമായിട്ടില്ല. അതിനാല്‍ ജനങ്ങള്‍ ഇതിനെതിരെ വലിയ പ്രതിഷേധത്തിന് തയ്യാറെടുക്കുന്നുണ്ട്.

Avatar

kgm news

About Author

Leave a comment

Your email address will not be published. Required fields are marked *

You may also like

International News Trending

ദുബൈയിലുണ്ടായ വാഹനാപകടത്തില്‍ ആറ് മലയാളികള്‍ ഉള്‍പ്പെടെ 17 പേര്‍ മരിച്ചു

വ്യാഴാഴ്ച വൈകിട്ട് ദുബൈ മുഹമ്മദ് ബിൻ സായിദ് റോഡിൽ വെച്ചാണ് അപകടം . ബസ് സൈൻബോർഡിലേക്ക് ഇടിച്ചു കയറുകയായിരുന്നു ഒമാനിൽ നിന്ന് ദുബൈയിലെത്തിയ യാത്രാ ബസ് അപകടത്തിൽപ്പെട്ട്
News

പരിശോധന ഫലം നെഗറ്റീവ്; കോഴിക്കോടുള്ള കുട്ടിക്ക് നിപ്പയില്ല

കോഴിക്കോട്: നിപ സംശയിച്ച് മെഡിക്കല്‍ കോളേജ് ഐ.എം.സി.എച്ചില്‍ നിരീക്ഷണത്തിലുണ്ടായിരുന്ന കുട്ടിയുടെ പരിശോധനാഫലം നെഗറ്റീവ്. കുട്ടിയുടെ രക്തസാമ്പിളും സ്രവങ്ങളും ആലപ്പുഴ വൈറോളജി ലാബില്‍ നടത്തിയ പരിശോധനയിലാണ് നെഗറ്റീവാണെന്ന് ഫലം
error: Protected Content !!