2020-ല് സംസ്ഥാനത്തിന്റെ ആഭ്യന്തര വളര്ച്ചാനിരക്ക് 6.49ല് നിന്ന് 3.45 ശതമാനമായി കുറഞ്ഞു. സാമ്പത്തിക അവലോകന റിപ്പോര്ട്ട് ധനമന്ത്രി തോമസ് ഐസക് നിയസഭയില് വെച്ചു. കൊവിഡ് മഹാമാരിയും മറ്റ് പ്രകൃതിദുരന്തങ്ങളുടെ പ്രതിഫലനങ്ങളും തിരിച്ചടിയേല്പ്പിച്ച സംസ്ഥാനത്തിന്റെ ആഭ്യന്തരകടബാധ്യത കുതിച്ചുകയറിയിട്ടുണ്ട് . ശമ്പളം, പലിശ, പെന്ഷന് ചെലവ് എന്നിവ ഉയര്ന്നു. അതിനാല്ത്തന്നെ, സംസ്ഥാനത്തിന്റെ കടബാധ്യത 2,60,311 കോടി രൂപയായി ഉയര്ന്നു. ആഭ്യന്തര കടത്തിന്റെ വര്ധന 9.91- ശതമാനമാണ്. 2020-21 സാമ്പത്തിക വര്ഷത്തിന്റെ ആദ്യപാദത്തില് സമ്പദ് വ്യവസ്ഥ 26 ശതമാനം ചുരുങ്ങുമെന്നും റിപ്പോര്ട്ട് പറയുന്നു.