മുഖ്യമന്ത്രി പിണറായി വിജയനും വിദ്യാഭ്യാസ മന്ത്രി വി ശിവന്കുട്ടിയും ഉദ്യോഗസ്ഥസംഘവും യൂറോപ്പിലേക്ക്. ലണ്ടന്, ഫിന്ലന്ഡ്, നോര്വെ തുടങ്ങിയ രാജ്യങ്ങളിലാണ് സന്ദര്ശനം നടത്തുന്നത്. ഒക്ടോബര് ആദ്യമാണ് രണ്ടാഴ്ച നീളുന്ന യാത്ര തീരുമാനിച്ചിരിക്കുന്നത്.ഫിന്ലന്ഡും നേര്വേയും മുഖ്യമന്ത്രിയും സംഘവും സന്ദര്ശിക്കും.വിദ്യാഭ്യാസ മേഖലയിലെ സഹകരണത്തിന് ഫിന്ലന്ഡ് ക്ഷണിച്ചെന്നാണ് വിശദീകരണം. ഫിന്ലന്ഡിലെ നോക്കിയ ഫാക്ടറിയും സംഘം സന്ദര്ശിച്ചേക്കും.നേരത്തെ പ്രളയത്തെ അതിജീവിക്കുന്നതിനായി നെതർലൻഡ് സ്വീകരിച്ച മാർഗങ്ങൾ പഠിക്കാൻ മുഖ്യമന്ത്രിയും സംഘവും യൂറോപ് സന്ദർശിച്ചിരുന്നു. പ്രളയത്തെ നേരിടാൻ ഡച്ച് മാതൃകയായ റൂം ഫോർ റിവർ പോലുള്ള പദ്ധതി കേരളത്തിലും നടപ്പാക്കുമെന്ന് പറഞ്ഞിരുന്നു. ചീഫ് സെക്രട്ടറി വി പി ജോയി, വിദ്യാഭ്യാസവകുപ്പിലെ ഉന്നത ഉദ്യോഗസ്ഥര് എന്നിവരും സംഘത്തിലുണ്ടാകും.ചിലപ്പോൾ കൂടുതൽ മന്ത്രിമാരും സംഘത്തിലുണ്ടാകാൻ സാധ്യതയുണ്ട്. ലണ്ടന് സന്ദര്ശനത്തില് ധനമന്ത്രി കെ എന് ബാലഗോപാല് അടക്കമുള്ളവരുണ്ടാകുമെന്നാണ് റിപ്പോര്ട്ട്. വിദേശയാത്രയ്ക്ക് കേന്ദ്രസര്ക്കാരില് നിന്നുള്ള അനുമതിക്കായി പൊതുഭരണവകുപ്പ് നടപടി ആരംഭിച്ചിട്ടുണ്ട്.
മുഖ്യമന്ത്രിയും വിദ്യാഭ്യാസ മന്ത്രിയും ഉദ്യോഗസ്ഥസംഘവും യൂറോപ്പിലേക്ക്;ഫിന്ലന്ഡ്, നോര്വെ സന്ദർശനം ഒക്ടോബര് ആദ്യം
