കെ.എസ് ഹരിഹരന്റെ വിവാദ പ്രസ്താവന യു.ഡി.എഫ് അംഗീകരിക്കുന്നില്ല. സ്ത്രീവിരുദ്ധമായ പരാമര്ശം പൂര്ണ്ണമായും തെറ്റാണെന്ന് പ്രതിപക്ഷ നേതാവ് വി ഡി സതീശന്. പൊതുവേദിയില് സംസാരിക്കുമ്പോള് രാഷ്ട്രീയ നേതാക്കള് എപ്പോഴും മറ്റുള്ളവര്ക്ക് മാതൃകയാകണം.
കെ.എസ് ഹരിഹരന്റെ പരാമര്ശത്തിലുള്ള വിയോജിപ്പ് പരിപാടി കഴിഞ്ഞപ്പോള് തന്നെ അദ്ദേഹത്തെ അറിയിച്ചിരുന്നു. പ്രസ്താവന പിന്വലിക്കണമെന്ന് ആവശ്യപ്പെടുകയും ചെയ്തു. പിഴവ് ബോധ്യപ്പെട്ട് നിര്വാജ്യം ഖേദപ്രകടനം നടത്തിയ കെ.എസ് ഹരിഹരന്റെ നിലപാടിനെ സ്വാഗതം ചെയ്യുന്നു. പരിപാടിയുടെ സംഘാടകരെന്ന നിലയില് കോണ്ഗ്രസ് കോഴിക്കോട് ജില്ലാ നേതൃത്വവും ഖേദം പ്രകടിപ്പിച്ചിട്ടുണ്ട്.
തെറ്റ് പറ്റിയാല് തിരുത്തുകയെന്നത് അനിവാര്യതയാണ്. വിവാദ പരാമര്ശം തള്ളിപ്പറഞ്ഞ ആര്.എം.പി നേതൃത്വത്തിന്റെ സമീപനവും ഉചിതമായി. രാഷ്ട്രീയ ആരോപണങ്ങള് മുന കൂര്പ്പിച്ച് ഉന്നയിക്കുമ്പോള് പൊതു പ്രവര്ത്തകര് തികഞ്ഞ ജാഗ്രത പുലര്ത്തണം. പുരോഗമന സമൂഹത്തിന് അനുചിതമായ വാക്കുകള് ആരുടെ ഭാഗത്ത് നിന്നും ഉണ്ടാകാന് പാടില്ല.
