കോവിഡ് 19 രോഗ ബാധയെ ലോകാരോഗ്യ സംഘടന മഹാമാരിയായി പ്രഖ്യാപിച്ചു. 121 രാജ്യങ്ങളില് പടര്ന്നതോടെയാണിത്. ഡബ്ല്യു.എച്ച്.ഒ.യുടെ അധ്യക്ഷന്െേ ടഡ്രാസ് അഥനോം ഗബ്രീസീയൂസാണ് ഇക്കാര്യം ഔദ്യോഗികമായി അറിയിച്ചത്.
നിലവില് വിവിധരാജ്യങ്ങളിലെ 1,22,289 പേര്ക്കാണ് കൊേറാണ സ്ഥിരീകരിച്ചത്. 4389 പേര്ക്ക് ജീവന് നഷ്ടമായി. എല്ലാരാജ്യങ്ങളുംതന്നെ ഇപ്പോള് കൊറോണയുടെ ഭീഷണി നേരിടുന്നുണ്ടെന്നും ഗബ്രീസീയൂസ് പറഞ്ഞു. ഈ സാഹചര്യത്തിലാണ് മഹാമാരിയായി പ്രഖ്യാപിച്ചത്.
പുതിയൊരു വൈറസ് ഉണ്ടാകുകയും അത് ലോകംമുഴുവന് പടരുകയും ചെയ്യുന്ന സാഹചര്യത്തിലാണ് ലോകാരോഗ്യസംഘടന അത് മഹാമാരിയായി പ്രഖ്യാപിക്കുന്നത്. പുതിയ വൈറസായതിനാല് മനുഷ്യര്ക്ക് ഇതിനെതിരേ സ്വാഭാവിക പ്രതിരോധം ഉണ്ടാകില്ലെന്നതും ലോകാരോഗ്യസംഘടന കണക്കിലെടുക്കും. കോളറ, എബോള, പ്ലേഗ്, സിക, തുടങ്ങിയവയാണ് ലോകാരോഗ്യസംഘടന ഇതിനുമുന്പ് മഹാമാരിയായി പ്രഖ്യാപിച്ചവയില് ചിലത്.