പരിശോധിച്ച സാമ്പിളുകളെല്ലാം നിപ നെഗറ്റീവെന്ന് ആരോഗ്യ മന്ത്രി വീണാ ജോർജ്. ഹൈ റിസ്ക് വിഭാഗത്തിലുള്ള എല്ലാവരുടേയും സാമ്പിളുകൾ നെഗറ്റീവാണെന്ന് ആരോഗ്യ മന്ത്രി അറിയിച്ചു.94 പേര്ക്കായിരുന്നു രോഗലക്ഷണങ്ങള് കണ്ടെത്തിയതെന്നും ഇവരുടെയെല്ലാം ആരോഗ്യനില തൃപ്തികരമാണെന്നും വീണ ജോര്ജ് അറിയിച്ചു. ഇത് ആശ്വാസകരമായ സാഹചര്യമാണെന്നും മന്ത്രി കൂട്ടിച്ചേര്ത്തു.
നിപ രോഗ വ്യാപനം നിയന്ത്രണവിധേയമായെന്ന് മന്ത്രി എ.കെ ശശീന്ദ്രനും അറിയിച്ചു. സമ്പർക്ക പട്ടിയയിലുള്ളവരുടെ പരിശോധനാ ഫലം നെഗറ്റീവാകുന്നത് ആശ്വാസം നൽകുന്നുവെന്നും എന്നാൽ പ്രതിരോധ പ്രവർത്തനങ്ങളിൽ അയവു വരുത്തില്ലെന്നും മന്ത്രി പറഞ്ഞു
സമ്പര്ക്കപ്പട്ടികയിലുള്പ്പെട്ട ഹൈ റിസ്ക് കാറ്റഗറിയില് പെട്ടവരെ പ്രത്യേകമായി നിരീക്ഷിച്ചു വരികയാണെന്നും വീണ ജോര്ജ് അറിയിച്ചു.
കൊവിഡ് പ്രോട്ടോക്കോള് പാലിച്ചുകൊണ്ടാണ് പരിശോധനകള് നടത്തുന്നതെന്നും പുതുതായി ആര്ക്കും നിപ സ്ഥിരീകരിച്ചിട്ടില്ലെങ്കിലും കോഴിക്കോട് ജില്ലയില് കൃത്യമായി നിരീക്ഷണം നടത്താന് തന്നെയാണ് തീരുമാനിച്ചിട്ടുള്ളതെന്നും മന്ത്രി പറഞ്ഞു.
