ന്യൂഡല്ഹി: ഓപ്പറേഷന് സിന്ദൂറിന്റെ ഭാഗമായി തങ്ങള്ക്ക് ലഭിച്ച ദൗത്യങ്ങള് വിജയകരമായി പൂര്ത്തിയാക്കിയെന്നും രാജ്യത്തിനായി കൃത്യതയോടെ മുന്നോട്ടുപോയി എന്നും ഇന്ത്യന് എയര്ഫോഴ്സ്. എക്സില് പങ്കുവെച്ച പോസ്റ്റിലാണ് വായുസേന ഇക്കാര്യം വ്യക്തമാക്കിയത്. ഓപ്പറേഷന് ഇപ്പോഴും തുടരുന്ന സാഹചര്യമായതിനാല് ഊഹാപോഹങ്ങള്ക്ക് പുറകെ പോകരുത് എന്നും സൈനിക നടപടിയുമായി ബന്ധപ്പെട്ട് സ്ഥിരീകരിക്കാത്ത വിവരങ്ങള് മാധ്യമങ്ങള് നല്കരുത് എന്നും വായുസേന ആവശ്യപ്പെട്ടു.
അതേസമയം, ഇന്ത്യ-പാക് വെടിനിര്ത്തലിന് പിന്നാലെ ഡല്ഹിയില് തിരക്കിട്ട ചര്ച്ചകളാണ് നടക്കുന്നത്. പ്രധാനമന്ത്രി നരേന്ദ്ര മോദി സാഹചര്യങ്ങള് അവലോകനം ചെയ്തു. പ്രധാനമന്ത്രിയുടെ വസതിയില് ചേര്ന്ന ഉന്നതതല യോഗത്തില് സംയുക്തസേനാ മേധാവിയും മൂന്ന് സേനാ മേധാവികളും ദേശീയ സുരക്ഷാ ഉപദേഷ്ടാവ് അജിത് ഡോവലും പങ്കെടുത്തു. ഇന്ത്യ-പാക് DGMO തല ചര്ച്ച നാളെയാണ് നടക്കുക.
