സിനിമാ സംഘടനാ പ്രതിനിധികള് മുഖ്യമന്ത്രിയുമായി ഇന്ന് രാവിലെ നടത്തിയ ചർച്ചക്ക് പിന്നാലെയാണ് മുഖ്യമന്ത്രി പിണറായി വിജയനെ അഭിനന്ദിച്ച് മോഹന്ലാല് രംഗത്തെത്തിയത്. മലയാള സിനിമയ്ക്ക് ഊര്ജ്ജം പകരുന്ന ഇളവുകള് പ്രഖ്യാപിച്ച ബഹുമാനപ്പെട്ട കേരള മുഖ്യമന്ത്രി ശ്രീ.പിണറായി വിജയന് സ്നേഹാദരങ്ങള് എന്നാണ് മോഹന്ലാല് പറഞ്ഞത്. മുഖ്യമന്ത്രിക്കൊപ്പമുള്ള ഒരു ഫോട്ടോ പങ്കുവെച്ചുകൊണ്ടായിരുന്നു ലാലിന്റെ കുറിപ്പ്
വിനോദ നികുതിയില് ഇളവ് നല്കണമെന്ന ആവശ്യം മുഖ്യമന്ത്രിയോട് സംഘടന ഉന്നയിച്ചിരുന്നു. തങ്ങളുടെ ആവശ്യങ്ങളോട് മുഖ്യമന്ത്രി അനുകൂല നിലപാടാണ് എടുത്തതെന്ന് സംഘടനാ പ്രതിനിധികള് അറിയിച്ചിരുന്നു.തിയേറ്റര് തുറക്കുന്നതില് ഉടന് തീരുമാനമെടുക്കുമെന്നും സിനിമാ സംഘടനകള് അറിയിച്ചിട്ടുണ്ട്. കൊച്ചിയില് ഇന്ന് വൈകീട്ട് ചേരുന്ന സിനിമാ തീയേറ്റര് ഉടമകള് അടക്കമുള്ള സംഘടനകളുടെ യോഗം തീയേറ്ററുകള് എന്നു തുറക്കാം എന്നതില് തീരുമാനമെടുക്കുമെന്നാണ് അറിയുന്നത്.