തിരുവനന്തപുരം: ഇന്നും കേരളത്തില് അതിശക്തമായ മഴയ്ക്ക് സാധ്യതയെന്ന് കാലാവസ്ഥ നിരീക്ഷണ വകുപ്പ് അറിയിച്ചു. ബംഗാള് ഉള്ക്കടലില് രൂപംകൊണ്ട ന്യൂനമര്ദത്തിന്റെ സ്വാധീനം കനത്തമഴയ്ക്ക് കാരണമാകുമെന്നാണ് റിപ്പോര്ട്ടുകള്.
ഇതേ തുടര്ന്ന് നാല് ജില്ലകളില് ഓറഞ്ച് അലേര്ട്ട് പ്രഖ്യാപിച്ചു. ആലപ്പുഴ, എറണാകുളം, മലപ്പുറം, കണ്ണൂര് ജില്ലകളിലാണ് ഓറഞ്ച് അലേര്ട്ട് പ്രഖ്യാപിച്ചിരിക്കുന്നത്.
ഒഡിഷ-ആന്ധ്രാപ്രദേശ് തീരത്താണ് ന്യൂനമര്ദം രൂപംകൊണ്ടിട്ടുള്ളത്. ഇതിനെ തുടര്ന്ന് മത്സ്യബന്ധനത്തിന് തിങ്കളാഴ്ചയും വിലക്ക് ഏര്പ്പെടുത്തിയിട്ടുണ്ട്.
