തിരുവനന്തപുരം: പാല് വില വര്ദ്ധനയ്ക്കൊപ്പം കവറിനും മാറ്റം വരുത്താനൊരുങ്ങി മില്മ. പുതിയ വില നിലവില് വരുന്ന 21 മുതലാകും കവറിന്റെ ഡിഡൈനിലും മാറ്റം വരുത്തുക. ഇതേക്കുറിച്ച് മില്മ ആലോചന തുടങ്ങി. പുതിയ വില പുതിയ കവറുകളില് പ്രിന്റ് ചെയ്താകും വിതരണം ചെയ്യുക. 16ന് ചേരുന്ന മില്മ ഡയറക്ടര് ബോര്ഡ് യോഗം ഇക്കാര്യത്തില് തീരുമാനമെടുക്കും.
കവര് ഡിസൈന് ഏത് രീതിയില് വേണമെന്നത് സംബന്ധിച്ച് ഇതുവരെ തീരുമാനമെടുത്തിട്ടില്ലെന്ന് അധികൃതര് പറഞ്ഞു. എന്നാല്, ആകര്ഷകമായ ലുക്കാവും പുതിയ കവറിനുണ്ടാവുകയെന്ന് അധികൃതര് സൂചന നല്കി. കഴിഞ്ഞ ദിവസമാണ് മില്മ പാലിന്റെ വില ലിറ്ററിന് നാല് രൂപ കൂട്ടാന് മന്ത്രി കെ. രാജുവിന്റെ അദ്ധ്യക്ഷതയില് ചേര്ന്ന യോഗം തീരുമാനിച്ചത്. 16ന് ചേരുന്ന ഡയറക്ടര് ബോര്ഡ് യോഗം ഇക്കാര്യവും അംഗീകരിക്കും.
