ബിജെപി മുന് മേഖലാ പ്രസിഡന്റ് എ.കെ. നസീറിനെയും സുല്ത്താന് ബത്തേരി മണ്ഡലം പ്രസിഡന്റ് കെ.ബി. മദന്ലാലിനെയും പാര്ട്ടിയുടെ പ്രാഥമികാംഗത്വത്തില്നിന്നു സസ്പെന്ഡ് ചെയ്തതായി ബിജെപി സംസ്ഥാന അധ്യക്ഷന് കെ. സുരേന്ദ്രന് അറിയിച്ചു. സംസ്ഥാന നേതാക്കള്ക്കെതിരെ എം.കെ.നസീര് നടത്തിയ അതിരൂക്ഷ വിമര്ശനത്തിന് പിന്നാലെയാണു നടപടി.
പണം സമാഹരിക്കാനുള്ള മാര്ഗമായാണ് തിരഞ്ഞെടുപ്പുകളെ നേതാക്കള് കാണുന്നതെന്നും പുതിയ നേതൃത്വം ജീവിതമാര്ഗമായി രാഷ്ട്രീയത്തെ ഉപയോഗപ്പെടുത്തുകയാണെന്നും നസീര് വാര്ത്താസമ്മേളനത്തില് ആരോപിച്ചിരുന്നു അത്തരത്തിലുള്ള നേതാക്കള് ഉള്ളപ്പോള് കേരളത്തില് ബിജെപി വളരില്ലെന്നും നസീര് പറഞ്ഞു.
തിരഞ്ഞെടുപ്പ് ഫണ്ടില് അഴിമതി നടത്തിയെന്ന് ആരോപണമുള്ള ആളെ പുതിയ ജില്ലാ പ്രസിഡന്റായി നിയമിച്ചതിനെച്ചൊല്ലി വയനാട് ബി.ജെ.പിയില് പൊട്ടിത്തെറിയുണ്ടായിരുന്നു തുടര്ന്ന് നേതാക്കള് കൂട്ടത്തോടെ രാജിവച്ചിരുന്നു. ഇതിന്റെ ഭാഗമായാണ് ബത്തേരി നിയോജകമണ്ഡലം പ്രസിഡന്റ് കെ.ബി. മദന്ലാലിനെ സസ്പെന്ഡ് ചെയ്തത്.
