കോഴിക്കോട്: എക്സൈസ് എൻഫോഴ്സ്മെന്റ് & ആന്റി നർക്കോട്ടിക് സ്പെഷൽ സ്ക്വാഡ് നടത്തിയ വ്യാപകമായ റെയ്ഡിൽ വൻ പുകയില ഉത്പന്നങ്ങൾ പിടിക്കൂടി കേസെടുത്തു . എക്സൈസ് ഇൻസ്പെക്ടർ ജിജോ ജെയിംസിന്റെ നേതൃത്വത്തിലുള്ള സംഘം സൗത്ത് കൊടുവള്ളി, തല പെരുമണ്ണ എന്നീ ഭാഗങ്ങളിൽ നടത്തിയ പരിശോധനയിലാണ് 14.4 Kg യോളം പുകയില ഉത്പന്നങ്ങൾ പിടികൂടിയത്.
കോഴിക്കോട് ജില്ലയിലെ വിവിധ ഭാഗങ്ങളിൽ സ്പെഷ്യൽ സ്ക്വാഡ് സർക്കിൽ ഇൻസ്പെക്ടർ സജിത്ത് കുമാറിന്റെ നേതൃതത്തിൽ സ്ക്വാഡ് ഉദ്യോഗസ്ഥർ ലോക്ക് ഡൗണിനെ തുടർന്നുണ്ടായ സാഹചര്യത്തിൽ ശക്തമായ പ്രവർത്തനങ്ങളാണ് നടത്തിവരുന്നത്. ലോക്ക് ഡൗൺ നീട്ടിയ സാഹചര്യത്തിൽ വരും ദിവസങ്ങളിൽ ശക്തമായ പ്രവർത്തനങ്ങൾക്കാണ് എക്സൈസ് സംഘം പദ്ധതിയിട്ടിരിക്കുന്നത്. പരിശോധനയിൽ പ്രിവൻന്റീവ് ഓഫീസർ ബിജുമോൻ, സിവിൽ എക്സൈസ് ഓഫീസർ മാരായ അജിത്ത്, അനിൽ, സൈമൺ എന്നിവർ പങ്കെടുത്തു
