കഴിഞ്ഞയാഴ്ച റിലീസ് ചെയ്ത വിപ്ലവം ജയിക്കാനുള്ളതാണ് സിനിമയുടെ സംവിധായകന് തട്ടിക്കൊണ്ട്പോയതായി പരാതി. ചിറ്റിലപ്പിള്ളി മുള്ളൂര്ക്കായലിനു സമീപത്തു വെച്ച് പുലര്ച്ചെയാണ് സംഭവം. ഭാര്യക്കൊപ്പം കാറില് പോവുകയായിരുന്നു. ആക്രമണത്തിനിടെ നിഷാദ് ഹസന്റെ ഭാര്യയ്ക്കും മര്ദ്ദനമേറ്റിട്ടുണ്ട്. ഇവര് തൃശൂരിലെ സ്വകാര്യ ആശുപത്രിയില് ചികിത്സ തേടി. സംഭവത്തില് പേരാമംഗലം പൊലീസ് അന്വേഷണം തുടങ്ങി.
കാറിലായിരുന്നു നിഷാദും ഭാര്യയും. പാവറട്ടി എത്തുന്നതിനിടയില് മറ്റൊരു കാറിലെത്തിയ സംഘം കാറിനെ മറികടന്നു നിറുത്തി അക്രമിക്കുകയായിരുന്നുവെന്നു പറയുന്നു. മര്ദിച്ചു അവശനാക്കിയ നിഷാദിനെ സംഘം വന്നിരുന്ന കാറില് കയറ്റിക്കൊണ്ടു പോയി. സ്ഥലത്ത് നിന്നും ഭാര്യയാണ് വീട്ടിലും സുഹൃത്തുക്കളെയും വിവരമറിയിച്ചത്.
ഒറ്റ ഷോട്ടില് രണ്ടര മണിക്കൂര് ചിത്രീകരണം പൂര്ത്തിയാക്കിയതെന്ന യു.ആര്.എഫ് റെക്കോര്ഡ് സ്വന്തമാക്കിയാണ് വിപ്ലവം ജയിക്കാനുള്ളത് എന്ന സിനിമ. നേരത്തെ സിനിമയുമായി ബന്ധപ്പെട്ട് നിര്മ്മാതാവുമായി തര്ക്കം ഉണ്ടായിരുന്നു. സിനിമയുടെ റിലീസിനെയും തര്ക്കം ബാധിച്ചിരുന്നു. ഇതാവാം സംഭവത്തിനു പിന്നിലെന്നാണ് സംശയിക്കുന്നത്. അന്വേഷണം തുടങ്ങിയതായി പേരാമംഗലം സി.ഐ.അറിയിച്ചു.
