നടിയെ ആക്രമിച്ച കേസിൽ സാക്ഷികളെ വീണ്ടും വിസ്തരിക്കണമെങ്കില് മതിയായ കാരണം വേണമെന്ന് ഹൈക്കോടതി.പ്രോസിക്യൂഷന്റെ പാളിച്ചകള് മറികടക്കാനാവരുത് സാക്ഷികളെ വീണ്ടും വിസ്തരിക്കുന്നതെന്ന് ചൂണ്ടിക്കാട്ടിയ ഹൈക്കോടതി കേസില് പ്രതികളുടെ അവകാശവും സംരക്ഷിക്കപ്പെടണമെന്ന് പറഞ്ഞു. സാക്ഷികളെ വിസ്തരിച്ച് മാസങ്ങൾ കഴിഞ്ഞാണ് വീണ്ടും വിസ്തരിക്കണമെന്ന ആവശ്യമെന്നും കോടതി ചൂണ്ടിക്കാട്ടി. പ്രതികളുടെ അവകാശങ്ങളും സംരക്ഷിക്കണം. കേസിന് അനുസൃതമായി സാക്ഷിമാെഴി ഉണ്ടാക്കാനുള്ള പ്രോസിക്യൂഷൻ ശ്രമമാണിതെന്ന് സംശിയിക്കാമെന്നും കോടതി പറഞ്ഞു. ഹർജിയിൽ വാദം തുടർന്നു കൊണ്ടിരിക്കുകയാണ്.
സംവിധായകന് ബാലചന്ദ്ര കുമാര് നടത്തിയ പുതിയ വെളിപ്പെടുത്തലുകള്ക്ക് ഈ കേസുമായി എന്തു ബന്ധമെന്ന് കോടതി ആരാഞ്ഞു. കേസിനെ അത് എങ്ങനെയാണ് സഹായിക്കുകയെന്ന് വ്യക്തമാക്കാന് കോടതി ആവശ്യപ്പെട്ടു.
ചില സാക്ഷികളെ വീണ്ടും വിസ്തരിക്കാനുള്ള പ്രോസിക്യൂഷന് ആവശ്യം വിചാരണ കോടതി അംഗീകരിക്കുന്നില്ലെന്നാണ് ഹര്ജിയില് പ്രധാനമായും ചൂണ്ടിക്കാണിക്കുന്നത്.
