കോഴിക്കോട് : അജ്ഞാതന്റെ വെട്ടേറ്റു കുന്ദമംഗലം സ്വദേശിക്ക് പരിക്ക്. ശില്പിയും ചാരിറ്റി പ്രവർത്തകനുമായ കൈതാക്കുഴിയിൽ റിയാസ് കുന്ദമംഗലത്തിനെയാണ് രാത്രി മുഖം മറച്ചെത്തിയ അക്രമി വീട്ടിൽ കയറി വെട്ടി പരിക്കേൽപ്പിച്ചത്.
അക്രമത്തിൽ കൈയ്ക്ക് പരിക്കേറ്റ റിയാസിനെ കോഴിക്കോട് മെഡിക്കൽ കോളേജിൽ പ്രവേശിപ്പിച്ചു. രാത്രി വീടിന്റെ ഉമ്മറത്ത് ഇരിക്കവേ പൊടുന്നനെ ആക്രമണം ഉണ്ടാവുകയായിരുന്നു. പുറത്തേ ശബ്ദം കേട്ട് വീട്ടുക്കാർ ഓടിയെത്തുമ്പോഴേക്കും അക്രമി ഓടി രക്ഷപെട്ടു. സ്ഥലത്തെത്തിയ നാട്ടുകാരാണ് അദ്ദേഹത്തെ ആശുപത്രിയിൽ എത്തിച്ചത്. അക്രമണത്തിന്റെ കാരണം വ്യക്തമായിട്ടില്ല.