സെക്രട്ടേറിയേറ്റില് കോവിഡ് വ്യാപനം രൂക്ഷമാകുന്നു.ധനവകുപ്പിനു പിന്നാലെ പൊതുഭരണ, നിയമവകുപ്പുകളിലും കോവിഡ് വര്ധിക്കുന്നു. 55 പേര്ക്കാണ് നിലവില് കോവിഡ് സ്ഥിരീകരിച്ചിരിക്കുന്നത്. ധനവകുപ്പിലെ ഡെവലപ്പ്മെന്റ് ഹാള് ആണ് ആദ്യം അടച്ചതിന് പിന്നാലെ പൊതുഭരണ, നിയമ വകുപ്പുകളിലെ ജീവനക്കാര്ക്കും രോഗബാധ പടരുകയാണ്.പരിശോധനകള് കൂട്ടണമെന്നും 50% ജീവനക്കാരായി ഹാജര് ചുരുക്കണമെന്നും സെക്രട്ടേറിയറ്റ് ആക്ഷന് കൗണ്സില് ആവശ്യപ്പെട്ടു. സന്ദര്ശകര്ക്കു കടുത്ത നിയന്ത്രണം ഏര്പ്പെടുത്തിയിട്ടും കോവിഡ് പടരുന്നതു നിയന്ത്രിക്കാനാകുന്നില്ല. സെക്രട്ടേറിയറ്റില് നിന്നു പൊതുജനങ്ങളെയും മാധ്യമ പ്രവര്ത്തകരെയും അകറ്റുന്നതിന്റെ ഭാഗമായി ഒരു മാസമായി 3 ഗേറ്റുകളും അടച്ചിട്ടിരിക്കുകയാണ്. കന്റോണ്മെന്റ് ഗേറ്റ് വഴി മാത്രമേ പ്രവേശനമുള്ളൂ. ഈ ഗേറ്റിലൂടെ അകത്തു കടക്കണമെങ്കില് സെക്രട്ടേറിയറ്റിനുള്ളില് നിന്നു ഗേറ്റിലേക്കു വിളിച്ച് ഏതെങ്കിലും ഉദ്യോഗസ്ഥന് ശുപാര്ശ ചെയ്യുകയും വേണം. ഈ നിയന്ത്രണം കോവിഡ് പടരാതിരിക്കാന് എന്നായിരുന്നു വിശദീകരണം.കഴിഞ്ഞയാഴ്ച കാന്റീന് സഹകരണ സംഘത്തിലേക്കു നടന്ന തിരഞ്ഞെടുപ്പാണു കോവിഡ് വ്യാപനം വര്ധിക്കാന് ഇടയാക്കിയതെന്ന് ആരോപണമുയര്ന്നിട്ടുണ്ട്. ഏകദേശം 3000 ഓളം ഉദ്യോഗസ്ഥരാണ് വോട്ടുചെയ്യാന് എത്തിയത്. ഇത് രോഗവ്യാപനത്തിന് കാരണമായെന്നാണ് ആക്ഷേപം ഉള്ളത്