റഫ: അംഗന്‍വാടിയില്‍ ഇസ്രായേല്‍ സൈന്യം നടത്തിയ ആക്രമണത്തില്‍ രണ്ട് കുഞ്ഞുങ്ങള്‍ കൊല്ലപ്പെട്ടു. ഫലസ്തീനിയന്‍ വാര്‍ത്ത ഏജന്‍സി വഫയെ ഉദ്ധരിച്ച് അല്‍ജസീറയാണ് സംഭവം റിപ്പോര്‍ട്ട് ചെയ്തത്. തെക്കന്‍ ഗസ്സയിലെ റഫയിലുള്ള അംഗന്‍വാടിയിലാണ് ഇസ്രായേല്‍ അതിക്രമം നടന്നത്. ഗസ്സയില്‍ ഇസ്രായേല്‍ കൊലപ്പെടുത്തിയത് 11,000 ഫലസ്തീന്‍ കുഞ്ഞുങ്ങളെയാണെന്ന വിവരം അതിക്രമം തുടങ്ങി 108 ദിവസത്തിന് ശേഷം ഗസ്സ ഭരണകൂടം പുറത്തുവിട്ടിരുന്നു. കൂടാതെ 7500 വനിതകളും കൊല്ലപ്പെട്ടതായി റിപ്പോര്‍ട്ട്.7000ത്തോളം പേരെ കണ്ടെത്താനായിട്ടില്ല, പലരും കെട്ടിട അവശിഷ്ടങ്ങള്‍ക്കിടയിലാണെന്ന് സംശയിക്കുന്നുവെന്നും പറഞ്ഞു. ഇതില്‍ 70 ശതമാനം പേരും കുട്ടികളും വനിതകളുമാണെന്നും വ്യക്തമാക്കി.
ഗസ്സയിലെ അംഗന്‍വാടിയില്‍ ഇസ്രായേല്‍ ആക്രമണം; സൈന്യം നടത്തിയ ആക്രമണത്തില്‍ രണ്ട് കുഞ്ഞുങ്ങള്‍ കൊല്ലപ്പെട്ടു
