കർഷക സമരവുമായി ബന്ധപ്പെട്ട് ഉയർന്ന വിവാദത്തിൽ കേന്ദ്രസർക്കാറിനെ പിന്തുണച്ച് അത്ലറ്റ് പി.ടി ഉഷ.രാജ്യത്തിന്റെ ആഭ്യന്തര വിഷയങ്ങളിൽ ആരും ഇടപെടേണ്ടെന്നും അതു പരിഹരിക്കാൻ ഇന്ത്യയ്ക്ക് അറിയാമെന്നും പി.ടി ഉഷ പറഞ്ഞു. കർഷക പ്രതിഷേധവുമായി ബന്ധപ്പെട്ട് അന്താരാഷ്ട്ര തലത്തിൽ കേന്ദ്രസർക്കാർ പ്രതിരോധത്തിൽ നിൽക്കുന്ന വേളയിലാണ് ഉഷയുടെ ട്വിറ്റർ കുറിപ്പ്.
‘ഞങ്ങളുടെ സംസ്കാരത്തിലും പാരമ്പര്യത്തിലും ജനാധിപത്യ മാതൃകയിലും അഭിമാനിക്കുന്നു. ഞങ്ങളുടെ ആഭ്യന്തര വിഷയത്തിൽ ഇടപെടരുത്. പ്രശ്നങ്ങൾ പരിഹരിക്കേണ്ടത് എങ്ങനെയെന്ന് ഞങ്ങൾക്കറിയാം. കാരണം നാനാത്വത്തിൽ ഏകത്വം മുറുകെപ്പിടിക്കുന്ന ലോകത്തെ ഏക രാഷ്ട്രം ഞങ്ങളാണ്’ – ഉഷ കുറിച്ചു.
We are proud of our own culture and heritage and are the true model of Democracy. Don't interfere in our internal matters, we know how to resolve our own issues because we are one and only nation in the world upholding UNITY IN DIVERSITY.#IndiaTogether#IndiaAgainstPropaganda
— P.T. USHA (@PTUshaOfficial) February 4, 2021
കർഷക പ്രശ്നത്തിൽ നേരത്തെ കായിക ലോകത്തു നിന്ന് സച്ചിൻ ടെണ്ടുൽക്കർ, വിരാട് കോലി, അനിൽകുംബ്ലെ, സുരേഷ് റെയ്ന, ശിഖർ ധവാൻ, രവിശാസ്ത്രി, ആർപി സിങ് എന്നിവർ സർക്കാറിന് പരോക്ഷ പിന്തുണയുമായി രംഗത്തെത്തിയിരുന്നു. സിനിമാ മേഖലയിൽ നിന്ന് അക്ഷയ് കുമാർ, സുനിൽ ഷെട്ടി, അജയ് ദേവ്ഗൺ, കരൺ ജോഹർ എന്നിവരും ഇതുമായി ബന്ധപ്പെട്ട് ട്വിറ്ററിൽ കുറിപ്പിട്ടു.#IndiaTogether #IndiaAgainstPropaganda എന്നീ രണ്ട് ഹാഷ് ടാഗുകൾ ഉപയോഗിച്ചാണ് സെലിബ്രിറ്റികളുടെ പോസ്റ്റുകൾ. ഇതേ ഹാഷ്ടാഗാണ് ഉഷയും ഉപയോഗിച്ചിട്ടുള്ളത്.