കുന്ദമംഗലം ഗവൺമെന്റ് കോളജിലെ യൂണിയൻ തിരഞ്ഞെടുപ്പിനിടെയുണ്ടായ സംഘർഷത്തിൽ 10 വിദ്യാർത്ഥികൾക്ക് സസ്പെൻഷൻ. എസ്എഫ്ഐ – കെഎസ് യു സംഘടനകളിൽപ്പെട്ട വിദ്യാർത്ഥികൾക്കാണ് സസ്പെൻഷൻ. വീണ്ടും തെരഞ്ഞെടുപ്പ് നടത്തണം എന്ന് ആവശ്യപ്പെട്ട് കോളേജ് അധികൃതർ യൂണിവേഴ്സിറ്റിക്ക് കത്തയച്ചു.ഇന്നലെ വൈകുന്നേരമാണ് കോളേജ് യൂണിയൻ തിരഞ്ഞെടുപ്പിനിടെ സംഘർഷം ഉണ്ടായത്. സംഭവത്തിൽ ആറു വിദ്യാർഥികൾക്ക് പരുക്കേൽക്കുകയും ചെയ്തിരുന്നു. വോട്ടെണ്ണലിൽ യുഡിഎസ്എഫ് സഖ്യം ലീഡ് ചെയ്യുന്നതിനിടെ എസ്എഫ്ഐ പ്രവർത്തകർ ബാലറ്റ് പേപ്പർ വലിച്ച് കീറുകയും വാരി എറിയുകയും ആയിരുന്നു. ഇതേ തുടർന്നാണ് സംഘർഷം ഉണ്ടായത്. സംഘർഷത്തെ തുടർന്ന് കോളേജിന് രണ്ട് ദിവസത്തേക്ക് കൂടി അവധി നൽകുകയും ചെയ്തിട്ടുണ്ട്.
കുന്ദമംഗലം കോളജിൽ യൂണിയൻ തിരഞ്ഞെടുപ്പിനിടെ സംഘർഷം; പത്ത് പേരെ സസ്പെൻഡ് ചെയ്തു
