പേരൂര്ക്കട ദത്ത് കേസില് അനുപമയുടെ ഹേബിയസ് കോര്പ്പസ് ഹര്ജി ഹൈക്കോടതി ഫയലില് സ്വീകരിച്ചില്ല.നിയമവിരുദ്ധമായി ആരെങ്കിലും കുട്ടിയെ കസ്റ്റഡിയില് വെച്ചിരിക്കുകയാണെന്ന് പറയാനാവില്ലെന്ന് കോടതി ചൂണ്ടിക്കാട്ടി. കുടുംബക്കോടതി ആവശ്യമായ നടപടികള് സ്വീകരിച്ച് വരുന്നുണ്ടെന്നും.ഈ സാഹചര്യത്തില് ഇപ്പോള് ഇടപെടേണ്ടതില്ലെന്നും ഹൈക്കോടതി അറിയിച്ചു.
ഹര്ജി പിന്വലിച്ചില്ലെങ്കില് തള്ളുമെന്നും കോടതി പറഞ്ഞു. ഹര്ജി പരിഗണിക്കുന്നത് നാളത്തേക്ക് മാറ്റി.കുഞ്ഞിനെ നഷ്ടപ്പെട്ടെന്ന പരാതിയിൽ 2021 ഒക്ടോബർ 18-ന് മാത്രമാണ് പൊലീസ് കേസ് റജിസ്റ്റർ ചെയ്തത്. കുഞ്ഞിനെ കണ്ടെത്തി കസ്റ്റഡിയിലെടുത്ത് ഹാജരാക്കി തനിക്ക് കൈമാറണമെന്നാണ് ഹർജിയിൽ അനുപമയുടെ ആവശ്യം.കുടുംബകോടതിയുടെ പരിഗണനയിൽ ആയതുകൊണ്ട് ഈ കേസിൽ സത്വര ഇടപെടലിലേക്കോ നടപടിയിലേക്കോ ഹൈക്കോടതി കടക്കേണ്ട കാര്യമില്ലെന്ന് ബെഞ്ച് നിരീക്ഷിച്ചു. ഡിഎൻഎ പരിശോധന നടത്താൻ ശിശുക്ഷേമസമിതിക്ക് അധികാരമുണ്ടല്ലോ എന്ന് നിരീക്ഷിച്ച കോടതി, കുടുംബകോടതിയുടെ പരിഗണനയിലുള്ള കേസായതിനാൽ ഹർജി പിൻവലിച്ചുകൂടേ എന്നും ചോദിച്ചു.