വെഞ്ഞാറമൂടില് ഡിവൈഎഫ്ഐ പ്രവര്ത്തകരെ വെട്ടിക്കൊലപ്പെടുത്തിയ കേസില് കേന്ദ്രം ചീഫ് സെക്രട്ടറിയോട് റിപ്പോര്ട്ട് തേടി. ആഭ്യന്തരമന്ത്രാലയമാണ് റിപ്പോര്ട്ട് തേടിയത്. കേന്ദ്ര ഇന്റലിജന്സ് റിപ്പോര്ട്ടിന്റെ അടിസ്ഥാനത്തിലാണ് നടപടി. അക്രമം പടരുന്നത് തടയാന് സ്വീകരിച്ച നടപടികള് അറിയിക്കാനും നിര്ദേശം നല്കിയിട്ടുണ്ട്.
കഴിഞ്ഞ ദിവസം പുലര്ച്ചെയായിരുന്നു തിരുവനന്തപുരം വെഞ്ഞാറമ്മൂട്ടില് കൊലപാതകം നടന്നത്. കൊല്ലപ്പെട്ട ഡിവൈഎഫ്ഐ പ്രവര്ത്തകരായ മിഥിലാജ് (30) വെമ്പായം സ്വദേശിയും ഹഖ് മുഹമ്മദ് (24) കലിങ്കുംമുഖം സ്വദേശിയുമാണ്. ഹഖ് മുഹമ്മദിന്റെയും, മിഥിലാജിന്റെയും മരണകാരണം നെഞ്ചിലേറ്റ ആഴത്തിലുള്ള കുത്താണെന്നാണ് പോസ്റ്റ്മോര്ട്ടം നിഗമനം. മുഖത്തും തലയിലും ശരീരത്തിന്റെ വിവിധ ഭാഗങ്ങളിലും മുറിവുകളുണ്ട്.
