കുന്ദമംഗലം : കുന്ദമംഗലം ഗവൺമെന്റ് കോളേജ് യൂണിയൻ തെരഞ്ഞെടുപ്പിൽ ജയിച്ച യുഡിഎസ്എഫ് അംഗങ്ങൾക്ക് കുന്ദമംഗലത്ത് സ്വീകരണം നൽകി. കുന്ദമംഗലം ബസ്സ്റ്റാന്റ് പരിസരത്ത് നടന്ന ചടങ്ങ് മുൻ എം എൽ എ യു .സി രാമൻ ഉദ്ഘാടനം ചെയ്തു. യൂണിയൻ ഭാരവാഹികളായി തെരഞ്ഞെടുക്കപ്പെട്ട മുഴുവൻ അംഗങ്ങളും എം എസ് എഫ് – കെ എസ് യു പ്രവർത്തകരും അഹ്ലാദ പ്രകടനമായാണ് സ്വീകരണ ചടങ്ങിൽ എത്തിയത്. ചടങ്ങിൽ മൊയ്തീൻ മാസ്റ്റർ, മൂസ മൗലവി, ദിനേശ്പെപെരുമണ്ണ,വിനോദ് പടനിലം, സി വി സംജിത്ത്, ഒ.ഹുസൈൻ, എം.ബാബുമോൻ ,അരിയിൽ അലവി ,എൻ എം ഹുസൈൻതുടങ്ങിയവരും പങ്കെടുത്തു.നവംബർ ഒന്നിന് നടന്ന തെരഞ്ഞെടുപ്പിന്റെ വോട്ടെണ്ണലിനിടെ എസ് എഫ് ഐ പ്രവർത്തകർ ബാലറ്റ് വലിച്ച് കീറിയതോടെ കെ എസ് യു റി പോളിങ് അവശ്യപ്പെട്ട് കോടതിയെ സമീപിച്ചിരുന്നു. കോടതി ഉത്തരവിന്റെ അടിസ്ഥാനത്തിൽ ഇന്ന് ബൂത്ത് രണ്ടിൽ റി പോളിംങ് നടത്തി വോട്ടെണ്ണുകയായിരുന്നു.
കുന്ദമംഗലം ഗവ: കോളേജ് യൂണിയൻ തെരഞ്ഞെടുപ്പ് ; വിജയിച്ച യുഡി എസ് എഫ് അംഗങ്ങൾക്ക് സ്വീകരണം നൽകി
