പകരച്ചുങ്കം മരവിപ്പിച്ചു; അമേരിക്കന് ഓഹരി വിപണിയില് കുതിപ്പ്
വാഷിംഗട്ണ്: പകരച്ചുങ്ക പ്രഖ്യാപനം ട്രംപ് മരവിപ്പിച്ചതോടെ അമേരിക്കന് ഓഹരി വിപണിയില് കുതിപ്പ്. ഡൗ ജോണ്സ് സൂചിക 8 ശതമാനം ഉയര്ന്നു. 3000 പോയിന്റിന്റെ നേട്ടമാണ് രേഖപ്പെടുത്തിയത്. കഴിഞ്ഞയാഴ്ച ട്രംപ് ഏര്പ്പെടുത്തിയ പകരച്ചുങ്കമാണ് താല്കാലികമായി മരവിപ്പിച്ചത്. 90 ദിവസത്തേക്ക് അടിസ്ഥാന പകരച്ചുങ്കം 10 ശതമാനം മാത്രമായിരിക്കും. എന്നാല് ചൈനയ്ക്കുള്ള ഇറക്കുമതിത്തീരുവ 125 ശതമാനമായി ഉയര്ത്തുകയും ചെയ്തു. ചൈന 84 ശതമാനം തീരുവ ഏര്പ്പെടുത്തിയതിന് പിന്നാലെയാണ് നടപടി. മൂന്നാം തവണയാണ് ചൈനയ്ക്കുമേല് അമേരിക്ക അധിക തീരുവ ഏര്പ്പെടുത്തുന്നത്.
