രാഹുല്ഗാന്ധിക്കെതിരെ പിവി അന്വറിന്റെ അധിക്ഷേപം; തെരഞ്ഞെടുപ്പ് കമ്മീഷന് പരാതി നല്കിയെന്ന് എംഎം ഹസന്
തിരുവനന്തപുരം: രാഹുല്ഗാന്ധിക്കെതിരെ അധിക്ഷേപ പരാമര്ശം നടത്തിയ നിലമ്പൂര് എംഎല്എ പി.വി അന്വറിനെതിരെ തെരഞ്ഞെടുപ്പ് കമ്മീഷന് പരാതി നല്കിയതായി കെപിസിസി ആക്ടിങ് പ്രസിഡന്റ് എംഎം ഹസന്. നെഹ്റു കുടുംബത്തെയും രാഹുല്ഗാന്ധിയെയും നികൃഷ്ടമായ ഭാഷയില് അപമാനിച്ച അന്വറിനെതിരെ പോലീസ് അടിയന്തരമായി കേസെടുക്കണമെന്നും അദ്ദേഹം ആവശ്യപ്പെട്ടു. പി.വി അന്വര് ഗോഡ്സെയുടെ പുതിയ അവതാരമാണ്. ഗാന്ധിജിയെ കൊന്ന ഗോഡ്സെയുടെ വെടിയുണ്ടകളെക്കാള് മാരകമാണ് അന്വറിന്റെ വാക്കുകള്. ജനപ്രതിനിധിയെന്ന നിലയില് ഒരിക്കലും നാവില് നിന്ന് വീഴാന് പാടില്ലാത്ത പരാമര്ശമാണ് അന്വര് നടത്തിയത്. മുഖ്യമന്ത്രിയുടെ ചാവേറായാണ് പിവി […]