പുതുച്ചേരിയിൽ നിയമസഭ സമ്മേളനത്തിൽ പങ്കെടുത്ത എംഎൽഎക്ക് കോവിഡ്. എൻ ആർ കോൺഗ്രസിലെ കതിർഗ്രാമം മണ്ഡലത്തിൽ നിന്നുള്ള എൻ എസ് ജയബാലിനാണ് കോവിഡ് സ്ഥിരീകരിച്ചത് നിയമ സഭ സമ്മേളനത്തിൽ നാലു ദിവസം ഇദ്ദേഹം പങ്കെടുത്തിരുന്നു. ഏറെ ആശങ്കയിലാണ് മറ്റു ജനപ്രതിനിധികൾ. വെള്ളിയാഴ്ച രാത്രിയാണ് സ്രവപരിശോധന നടത്തിയത്. രോഗം സ്ഥിരീകരിച്ചതോടെ ആശുപത്രിയിലേക്ക് മാറ്റി. മുഖ്യമന്ത്രി വി നാരായണസ്വാമിയും സ്പീക്കറും രാവിലെ സ്ഥലം പരിശോധിച്ചു. സമ്പർക്കമുണ്ടായ മുഖ്യമന്ത്രിയടക്കം മുഴുവൻ എംഎൽഎമാരും നിയമസഭ ജീവനക്കാരും നിരീക്ഷണത്തിൽ പോകേണ്ടി വരും .