ശബരിമല തീർത്ഥാടനത്തിന് എത്തുന്ന ഭക്തരുടെ എണ്ണം കൂടുന്നു . തെളിഞ്ഞ കാലാവസ്ഥയും നിയന്ത്രണങ്ങളിൽ വന്ന ഇളവും പമ്പയിൽ ഇരുമുടികെട്ട് നിറയ്ക്കാനുള്ള സൗകര്യം അധികൃതർ ഒരുക്കിയതും ശബരിമലയിൽ ഭക്തരുടെ എണ്ണത്തിൽ വർധനവ് വരാൻ കാരണമായിട്ടുണ്ട്. കൂടാതെ വെർച്യുൽ ക്യു വഴി ബുക്ക് ചെയ്ത ശേഷം അത് റദ്ദാക്കുന്നവരുടെ എണ്ണം കുറയുകയും ചെയ്തു. ഈ വർഷത്തെ ശബരിമല മണ്ഡല മകരവിളക്ക് തുടങ്ങിയതിന് ശേഷം ഇന്നാണ് ഏറ്റവും കൂടുതൽ ഭക്തർ എത്തുന്നത് . രാവിലെ തന്നെ നാലായിരത്തിലേറെ ഭക്തർ ദർശനത്തിനായി എത്തിയിട്ടുണ്ട്. […]