ഒന്നാംക്ലാസില്‍ ചേര്‍ന്നാല്‍ വെള്ളിനാണയം സമ്മാനം, പുതിയ ചുവടുവെപ്പുമായി സര്‍ക്കാര്‍ സ്‌ക്കൂള്‍
ഒന്നാം ക്ലാസിലേക്ക് വിദ്യാര്‍ത്ഥികളെ എത്തിക്കുന്നതിനായി വെള്ളിനാണയം സമ്മാനമായി നല്‍കുന്ന പദ്ധതിയുമായി കര്‍ണാടകത്തിലെ ഒരു സര്‍ക്കാര്‍ സ്‌കൂള്‍. മാണ്ഡ്യ ജില്ലയിലെ കന്നഡ മീഡിയം സ്‌കൂളായ മേലുകോട്ട പ്രൈമറി സ്‌കൂളാണ് വ്യത്യസ്തമായ പദ്ധതിക്കു പിന്നില്‍. കന്നഡ മീഡിയത്തിലുള്ള 150 വര്‍ഷത്തോളം പഴക്കമുള്ള ബോയ്‌സ് സ്‌കൂളാണിത്. സ്വകാര്യ സ്‌കൂളുകളെ വെല്ലുംവിധം വിദ്യാര്‍ഥികള്‍ക്കായി ഒട്ടേറെ സൗകര്യങ്ങള്‍ 1875-ല്‍ സ്ഥാപിക്കപ്പെട്ട ഈ സ്‌കൂള്‍ നല്‍കുന്നുണ്ട്. ഇതിന്റെ ഭാഗമായാണ് പുതിയ അധ്യയനവര്‍ഷം മുതല്‍ വെള്ളിനാണയം സമ്മാനമായി നല്‍കുന്ന പദ്ധതി ആരംഭിച്ചത്. വിദ്യാര്‍ത്ഥികള്‍ക്ക് ഇവിടെ പാഠപുസ്തകം, യൂണിഫോം, […]