വാണിജ്യ സിലിണ്ടറുകള്ക്ക് വില കൂട്ടി; 15 രൂപ വര്ധന; പുതിയ നിരക്ക് ഇന്ന് മുതല് പ്രാബല്യത്തില്
ന്യൂഡല്ഹി: രാജ്യത്ത് വാണിജ്യ സിലിണ്ടറുകള്ക്ക് വില കൂടി. 19 കിലോയുടെ വാണിജ്യ സിലിണ്ടറിന് 15 രൂപയുടെ വര്ധനവാണ് ഉണ്ടായിരിക്കുന്നത്. ഡല്ഹിയില് 19 കിലോ വാണിജ്യ സിലിണ്ടറിന്റെ വില 1,769.50 രൂപയായി ഉയര്ന്നു. ഗാര്ഹിക സിലിണ്ടറിന്റെ വിലയില് മാറ്റമില്ല. പുതിയ നിരക്ക് ഇന്ന് മുതല് പ്രാബല്യത്തില് വരും. വിമാന ഇന്ധനവില കുറച്ചിട്ടുണ്ട്. അതേസമയം രണ്ടാം മോദി സര്ക്കാരിന്റെ അവസാന ബജറ്റ് ഇന്ന് അവതരിപ്പിക്കാനിരിക്കെയാണ് രാജ്യത്ത് വാണിജ്യ സിലിണ്ടറുകള്ക്ക് വില വര്ധിച്ചിരിക്കുന്നത്.
