രാമക്ഷേത്ര പ്രതിഷ്ഠ നാളെ; കനത്ത സുരക്ഷാവലയത്തില് അയോധ്യ; ചടങ്ങുകളില് പങ്കെടുക്കാന് പ്രധാനമന്ത്രി നാളെ എത്തും
ന്യൂഡല്ഹി: രാമക്ഷേത്രത്തില് വിഗ്രഹ പ്രതിഷ്ഠക്ക് ഒരുങ്ങി അയോധ്യ. അയോധ്യയിലെ രാമക്ഷേത്രത്തില് വിഗ്രഹപ്രതിഷ്ഠക്ക് മുന്നോടിയായുള്ള ചടങ്ങുകള് തുടരുകയാണ്. അധിവാസ, കലശപൂജകള് ഇന്നും നടക്കും. വാരണാസിയില് നിന്നുള്ള ആചാര്യന് ലക്ഷ്മികാന്ത് ദീക്ഷിതാണ് ചടങ്ങുകള്ക്ക് നേതൃത്വം നല്കുന്നത്. പ്രതിഷ്ഠ ചടങ്ങുകളില് പങ്കെടുക്കാനായി പ്രധാനമന്ത്രി നാളെ പത്തരയോടെ അയോധ്യയിലെത്തും. പ്രതിഷ്ഠാ ചടങ്ങിന് മുന്നോടിയായി വിപുലമായ ഒരുക്കങ്ങളാണ് അയോധ്യയില് നടത്തിയിട്ടുള്ളത്. നാളെ രാവിലെ 10.30ഓടെ അയോധ്യയിലെത്തുന്ന പ്രധാനമന്ത്രി നരേന്ദ്ര മോദി ഉച്ചയ്ക്ക് 12.05 മുതല് പ്രതിഷ്ഠാ ചടങ്ങില് പങ്കെടുക്കും. തുടര്ന്ന് പൊതുചടങ്ങിനെ അഭിസംബോധന ചെയ്യും. […]