കോട്ടയ്ക്കല്‍: ബൈക്ക് മതിലിലിടിച്ച് കിണറ്റിലേക്ക് മറിഞ്ഞ് പിതാവും മകനും മരിച്ചു. മലപ്പുറം കാടാമ്പുഴ സ്റ്റേഷന്‍ പരിധിയില്‍ മാറാക്കര പഞ്ചായത്തിലെ കീഴ്മുറിയിലാണ് അപകടം. രണ്ടത്താണി സ്വദേശി കുന്നത്ത് പടിയന്‍ കെ.പി. ഹുസൈന്‍ (60), മകന്‍ ഹാരിസ് ബാബു (30) എന്നിവരാണ് മരിച്ചത്. ഇന്ന് രാവിലെ 10.30ഓടെയായിരുന്നു അപകടം. പെരുന്നാള്‍ നമസ്‌കാരം കഴിഞ്ഞ് ഇരുവരും ബന്ധുവീട്ടിലേക്ക് പോകുംവഴിയാണ് അപകടം. ഇറക്കത്തില്‍വെച്ച് ബൈക്ക് നിയന്ത്രണംവിടുകയായിരുന്നു. സമീപത്തുള്ള വീടിന്റെ മതിലും കിണറിന്റെ ആള്‍മറയും തകര്‍ത്ത് ബൈക്ക് കിണറ്റില്‍ വീഴുകയായിരുന്നു. സാരമായി പരിക്കേറ്റ ഇരുവരെയും […]

മലപ്പുറം: കിഴിശ്ശേരിയില്‍ ഗുഡ്സ് ഓട്ടോ ഇടിച്ച് ഇതരസംസ്ഥാന സ്വദേശി മരിച്ച സംഭവം കൊലപാതകമെന്ന് പൊലീസ്. സംഭവത്തില്‍ അസം സ്വദേശിയെ കൊണ്ടോട്ടി പൊലീസ് അറസ്റ്റ് ചെയ്തു. അപകടമരണമെന്ന് കരുതിയ സംഭവമാണ് കൊലപാതകമാണെന്ന് തെളിഞ്ഞത്. ഇന്നലെ രാത്രി പതിനൊന്ന് മണിയോടെയാണ് അസം സ്വദേശി അഹദുല്‍ ഇസ്‌ലാമിനെ ഗുഡ്‌സ് ഓട്ടോറിക്ഷ ഇടിക്കുന്നത്. എന്നാല്‍ റോഡില്‍ വീണ യുവാവിന്റെ ശരീരത്തിലൂടെ വാഹനം കയറ്റിയിറക്കിയെന്ന് നാട്ടുകാര്‍ പറഞ്ഞു. ഗുരുതരമായി പരിക്കേറ്റ അഹദുല്‍ ഇസ്‌ലാമിനെ ഉടന്‍ ആശുപത്രിയിലെത്തിച്ചെങ്കിലും മരണം സംഭവിച്ചു. തുടര്‍ന്ന് പൊലീസ് നടത്തിയ അന്വേഷണത്തിലാണ് […]

തൃശൂരില്‍ കാര്‍ നിയന്ത്രണം വിട്ട് മരത്തിലിടിച്ച് രണ്ടുപേര്‍ മരിച്ചു. കോതമംഗലം സ്വദേശിയായ ജെയ്‌മോന്‍ ( 46) മകള്‍ ജോയന്ന (11) എന്നിവരാണ് മരിച്ചത്. ജെയ്‌മോന്റെ അമ്മ മഞ്ജു, മകന്‍ ജോയല്‍, ഒപ്പം ഉണ്ടായിരുന്ന ബന്ധുവായ കുട്ടി എന്നിവര്‍ക്ക് അപകടത്തില്‍ പരുക്ക് പറ്റിയിരുന്നു. ഇവരെ ആശുപത്രിയില്‍ പ്രവേശിപ്പിച്ചിട്ടുണ്ട്. ഇന്ന് പുലര്‍ച്ചെ നാല് മണിയോടെയായിരുന്നു അപകടം.

കാസര്‍കോട്: മഞ്ചേശ്വരത്ത് കാര്‍ ഡിവൈഡറിലേക്ക് ഇടിച്ചുകയറി അച്ഛനും മകനും അടക്കം മൂന്ന് പേര്‍ മരിച്ചു. ഒരാള്‍ക്ക് ഗുരുതര പരിക്കേറ്റു. ബായിക്കട്ട സ്വദേശികളായ ജനാര്‍ഥന, മകന്‍ അരുണ്‍, ബന്ധു കൃഷ്ണകുമാര്‍ എന്നിവരാണ് മരിച്ചത്. കാറില്‍ ഉണ്ടായിരുന്ന കര്‍ണാടക സ്വദേശിയെ ഗുരുതര പരിക്കുകളോടെ മംഗലൂരുവിലെ ആശുപത്രിയിലേക്ക് മാറ്റി. കൃഷ്ണകുമാറിനെ മംഗലൂരുവിലേക്ക് കൊണ്ടാക്കാന്‍ പോകുമ്പോള്‍ വാമഞ്ചൂരില്‍വെച്ച് ഇന്നലെ രാത്രി 10.30ഓടെയായിരുന്നു അപകടം. ഉപ്പള ചെക്ക് പോസ്റ്റിന് സമീപത്തെ പാലത്തിലെ കൈവരിയിലേക്ക് കാറിടിച്ച് കയറുകയായിരുന്നു. കാറിന്റെ മുന്‍ഭാഗം പൂര്‍ണമായും തകര്‍ന്നു. നാട്ടുകാര്‍ ഓടിക്കൂടി […]

മൂന്നാര്‍ മാട്ടുപ്പെട്ടി എക്കോ പോയിന്റില്‍ ബസ് മറിഞ്ഞ് രണ്ടുപേര്‍ മരിച്ചു. വിനോദസഞ്ചാരികള്‍ സഞ്ചരിച്ചിരുന്ന ടൂറിസ്റ്റ് ബസ് ആണ് മറിഞ്ഞത്. പരിക്കേറ്റവരെ ടാറ്റ ഹൈറേഞ്ച് ആശുപത്രിയിലേക്ക് പ്രവേശിപ്പിക്കുന്നു. തമിഴ്‌നാട് സ്വദേശികളായ വിദ്യാര്‍ത്ഥികള്‍ സഞ്ചരിച്ചിരുന്ന ബസാണ് അപകടത്തില്‍പ്പെട്ടത്.

കിളിമാനൂര്‍: തിരുവനന്തപുരത്ത് ടോറസ് ലോറി കടയിലേക്ക് പാഞ്ഞുകയറി അഞ്ച് പേര്‍ക്ക് പരിക്കേറ്റു. മൂന്ന് പേരുടെ നില ഗുരുതരമാണ്. കല്ലറ – കാരേറ്റ് റോഡില്‍ ഇന്ന് രാവിലെ 7.30നാണ് അപകടം. കെഎസ്ആര്‍ടിസി ബസില്‍ ഇടിക്കാതിരിക്കാന്‍ ലോറി തിരിഞ്ഞപ്പോഴാണ് അപകടം ഉണ്ടായത്. ബേക്കറിയില്‍ ചായ കുടിച്ച് നിന്നവരാണ് അപകടത്തില്‍പ്പെട്ടത്.

തൃശ്ശൂര്‍: ചാലക്കുടി പോട്ടയില്‍ ബൈക്കപകടത്തില്‍ സഹോദരങ്ങള്‍ മരിച്ചു. പെരുമ്പാവൂര്‍ പട്ടിമറ്റം ഓലിക്കല്‍ സുരേഷിന്റെ മക്കളായ സുരാജ് (32), സജീഷ് (25) എന്നിവരാണ് മരിച്ചത്. ഇന്ന് പുലര്‍ച്ചെ അഞ്ചിനായിരുന്നു അപകടം. ഞായറാഴ്ച മുരിങ്ങൂര്‍ ഡിവൈന്‍ ധ്യാനകേന്ദ്രത്തില്‍ നടത്താനിരുന്ന കുടുംബ സംഗമത്തില്‍ പങ്കെടുക്കാനെത്തിയതായിരുന്നു സുരേഷും കുടുംബവും. ഇവര്‍ ശനിയാഴ്ച മുരിങ്ങൂരിലെത്തി. ഞായര്‍ പുലര്‍ച്ചെ സുരാജും സജീഷും ബൈക്കില്‍ തൃശൂര്‍ ഭാഗത്തേക്ക് പോകുന്നതിനിടെയാണ് അപകടം. നിയന്ത്രണംവിട്ട ബൈക്ക് റോഡരികിലെ മൈല്‍കുറ്റി ഇടിച്ച് തെറിപ്പിച്ച് ഡിവൈഡറില്‍ മറിയുകയായിരുന്നു. നാട്ടുകാരാണ് ഇരുവരേയും ആംബുലന്‍സില്‍ കയറ്റി […]

കോട്ടയത്ത് സ്‌കൂള്‍ ബസ്സും സ്വകാര്യ ബസ്സും കാറും കൂട്ടിയിടിച്ചു. ഈരാറ്റുപേട്ട കാഞ്ഞിരപ്പള്ളി റൂട്ടില്‍ ഇന്ന് രാവിലെയായിരുന്നു അപകടം. അപകടത്തില്‍ ഒരാള്‍ക്ക് പരുക്കുണ്ട്. ഈരാറ്റുപേട്ടയില്‍ നിന്നും കാഞ്ഞിരപ്പള്ളിയിലേക്ക് വരികയായിരുന്ന സ്വകാര്യ ബസ്, സ്‌കൂള്‍ ബസ്സുമായി കൂട്ടിയിടിക്കുകയായിരുന്നു. തുടര്‍ന്ന് പിന്നാലെ വന്ന കാറും അപകടത്തില്‍പ്പെടുകയായിരുന്നു. കാഞ്ഞിരപ്പള്ളി ഹെറിറ്റേജ് സ്‌കൂളിന്റെ ബസാണ് അപകടത്തില്‍പ്പെട്ടത്. അപകടം നടക്കുമ്പോള്‍ സ്‌കൂള്‍ ബസ്സില്‍ കുട്ടികളുണ്ടായിരുന്നില്ല. അപകടത്തില്‍ സ്‌കൂള്‍ ബസിലെ ജീവനക്കാരിക്കാണ് പരുക്ക് പറ്റിയിരിക്കുന്നത്.