കോഴിക്കോട്: കുറ്റ്യാടി തളീക്കരയിൽ 20 കന്നുകാലികളെ മോഷ്ടിച്ചതായി പരാതി. കഴിഞ്ഞ ദിവസമാണ് 8 ലക്ഷത്തോളം വില വരുന്ന കാലികളെ കാണാതായത്. കുറ്റ്യാടിക്കടുത്ത് തളീക്കരയിലെ കാഞ്ഞിരോളിയിൽ വിൽപനയ്ക്ക് എത്തിച്ചതായിരുന്നു.
തളീക്കര സ്വദേശികളായ അജ്മൽ, ലുബൈൻ എന്നിവർ ചേർന്ന് വിവിധ സ്ഥലങ്ങളിൽ നിന്നും കൊണ്ടുവന്നതായിരുന്നു കന്നുകാലികളെ. പറമ്പിൽ കെട്ടിയിട്ട മൃഗങ്ങളെ രാത്രി 1 മണിക്കും പുലർച്ചെ 4.30 ഇടയിൽ കാണാതായെന്നാണ് പരാതി. തൊട്ടിൽപ്പാലം പൊലീസിലാണ് പരാതി നൽകിയിരിക്കുന്നത്.
സമഗ്ര അന്യേഷണം നടത്തി മോഷ്ടാക്കളെ കണ്ടെത്തണമെന്ന് നാട്ടുകാർ ആവശ്യപെട്ടു. സംഭവത്തെ കുറിച്ച് തൊട്ടിൽപ്പാലം പോലീസ് അന്യേഷണം ആരംഭിച്ചു.
