മഞ്ഞുനീക്കുന്നതിനിടെ അപകടം;ശസ്ത്രക്രിയക്ക് ശേഷമുള്ള ആദ്യചിത്രം പങ്കുവെച്ച് നടൻ ജെറമി റെന്നർ

മഞ്ഞുനീക്കുന്നതിനിടെയുണ്ടായ അപകടത്തിൽ പരിക്കേറ്റ ഹോളിവുഡ് നടൻ ജെറേമി റെന്നറുടെ ആരോഗ്യനില മെച്ചപ്പെടുന്നു.ഇക്കാര്യം സൂചിപ്പിച്ചുകൊണ്ട് ഹോക്ക് ഐ താരം ഇൻസ്റ്റാ​ഗ്രാമിൽ ഒരു ചിത്രം പങ്കുവെച്ചിരിക്കുകയാണ്.ശസ്ത്രക്രിയ പൂർത്തിയായതിന് ശേഷമുള്ള ചിത്രമാണ് ജെറേമി റെന്നർ പോസ്റ്റ് ചെയ്തിരിക്കുന്നത്. എല്ലാ നല്ല വാക്കുകൾക്കും നന്ദി. എല്ലാവർക്കും സ്നേഹം എന്നാണ് താരം ചിത്രത്തിനൊപ്പം എഴുതിയിരിക്കുന്നത്. വീടിനു പരിസരത്തെ മഞ്ഞ് നീക്കം ചെയ്യുന്നതിനിടെയാണ് നടന് അപകടമുണ്ടായത്.ഷോവിലെ അതിശൈത്യമുള്ള പ്രദേശത്താണ് ജെറമി റെന്നർ താമസിക്കുന്നത്. മഞ്ഞുവീഴ്ചയെ തുടർന്ന് പുതുവർഷത്തിന്റെ തലേന്ന് അവിടെ 35,000 വീടുകളിൽ വൈദ്യുതി വിച്ഛേദിക്കപ്പെട്ടിരുന്നു. ജെറമി റെന്നറുടെ ശസ്ത്രക്രിയ കഴിഞ്ഞുവെന്ന് പബ്ലിസിസ്റ്റ് സാമന്ത മസ്ത് കഴിഞ്ഞദിവസം അറിയിച്ചിരുന്നു. നെഞ്ചിനും എല്ലുകൾക്കും പരിക്കുണ്ടെന്നും അദ്ദേഹത്തിന്റെ നില ഇപ്പോഴും ഗുരുതരമായതിനാൽ ഐ.സി.യുവിൽ തന്നെയാണെന്നും സാമന്ത പുറത്തിറക്കിയ കുറിപ്പിൽ വ്യക്തമാക്കിയിരുന്നു.