മൂന്നാർ: ആനസവാരി കേന്ദ്രത്തിലെ ജീവനക്കാരനായ യുവാവ് സഹപ്രവർത്തകന്റെ കുത്തേറ്റു മരിച്ചു. തൃശൂർ സ്വദേശിയും ആനപാപ്പാനുമായ വിമൽ (32) ആണ് കൊല്ലപ്പെട്ടത്. പ്രതി മണികണ്ഠനെ പൊലീസ് അറസ്റ്റ് ചെയ്തു.മൂന്നാർ-മാട്ടുപ്പെട്ടി റോഡിൽ പ്രവർത്തിക്കുന്ന ആനസവാരി കേന്ദ്രത്തിലെ ജീവനക്കാരാണ് ഇരുവരും. ആനയെ മാറ്റി കെട്ടിയതിനെ സംബന്ധിച്ചുള്ള തർക്കമാണ് കൊലപാതകത്തിലേക്ക് വഴിവെച്ചതെന്നാണ് പ്രാഥമിക നിഗമനം. കൂടുതൽ അന്വേഷണം നടന്നുവരികയാണ്.
ആനയെ മാറ്റി കെട്ടിയതിനെ സംബന്ധിച്ചുള്ള തർക്കം; മൂന്നാർ ആനസവാരി കേന്ദ്രത്തിലെ ജീവനക്കാരൻ കുത്തേറ്റ് മരിച്ചു
