എഡ്യുക്കേഷന് ടെക് കമ്പനിയായ ബൈജൂസിന്റെ ബ്രാന്ഡ് അംബാസഡറായി അര്ജന്റീനന് ഫുട്ബോള് സൂപ്പര് സ്റ്റാര് ലയണല് മെസ്സി.ബൈജൂസുമായി മെസി കരാറില് ഒപ്പുവെച്ചു. ബൈജൂസിന്റെ ജേഴ്സി ധരിച്ച് ലോകകപ്പില് കളിക്കാനുപയോഗിക്കുന്ന അല് രിഹ്ല പന്തും പിടിച്ച് മെസി നില്ക്കുന്ന ചിത്രങ്ങള് പുറത്തുവന്നിരുന്നു. എല്ലാവര്ക്കും വിദ്യാഭ്യാസമെന്ന ബൈജൂസിന്റെ സോഷ്യല് ഇനിഷ്യേറ്റീവ് ബ്രാന്ഡ് അംബാസിഡറായിട്ടാണ് ലയണല് മെസ്സിയെ നിയോഗിച്ചിരിക്കുന്നത്.ഖത്തര് ലോകകപ്പ് ഫുട്ബോളിന്റെ ഔദ്യോഗിക സ്പോണ്സര്മാരും കൂടിയാണ് ബൈജൂസ് ലേണിങ് ആപ്പ്.
ബൈജൂസ് കേരളത്തിലെ പ്രവർത്തനം അവസാനിപ്പിക്കുമെന്നതടക്കമുള്ള അഭ്യൂഹങ്ങൾക്കിടെ കഴിഞ്ഞ ദിവസം തൊഴിലാളികളെ പിരിച്ചുവിടില്ലെന്നും സ്ഥലംമാറ്റമില്ലെന്നും വ്യക്തമാക്കി കമ്പനി രംഗത്തെത്തിയിരുന്നു. മുഖ്യമന്ത്രിയുമായി ബൈജുസ് സ്ഥാപകൻ ബൈജു രവീന്ദ്രൻ നടത്തിയ ചർച്ചയ്ക്ക് പിന്നാലെയാണ് ഇക്കാര്യം വ്യക്തമാക്കിയത്. നേരത്തെ മാറ്റാൻ തീരുമാനിച്ച 140 ജീവനക്കാർക്കും തിരുവനന്തപുരത്ത് തന്നെ തുടരാമെന്നും ബൈജൂസ് വ്യക്തമാക്കിയിട്ടുണ്ട്.
ലയണല് മെസ്സി ബൈജൂസിന്റെ ബ്രാന്ഡ് അംബാസിഡർ
