പത്തനംതിട്ടയിൽ പേവിഷബാധയെത്തുടര്ന്ന് മരിച്ച 12 വയസ്സുകാരി അഭിരാമിയെ കടിച്ചത് വളര്ത്തുനായയെന്ന് അമ്മ. ജര്മ്മന് ഷെപ്പേഡ് ഇനത്തില്പ്പെട്ട നായയാണ് കുട്ടിയെ കടിച്ചതെന്ന് അമ്മ രജനി പറഞ്ഞു. നായയുടെ കഴുത്തില് ബെല്റ്റും തുടലുമുണ്ടായിരുന്നുവെന്നാണ് കുട്ടി പറഞ്ഞത്.ആരുടെയോ വീട്ടില് വളര്ത്തിയ നായയെ പേ വിഷബാധ സംശയിച്ച് ഇറക്കി വിട്ടതായിരിക്കാം. അല്ലാതെ ജെര്മന് ഷെപ്പേഡ് നായ തെരുവില് അലഞ്ഞുനടക്കാനിടയില്ലല്ലോ. ഇതേ പട്ടി പ്രദേശത്തെ രണ്ട് പശുക്കളെ കടിച്ചിരുന്നെന്നും കടിയേറ്റ പശുക്കള് ചത്തതായും രജനി പറഞ്ഞു.ജനറൽ ആശുപത്രിയിലെത്തിച്ച ശേഷം ഒരു മണിക്കൂർ നിരീക്ഷണത്തിൽ കിടത്തി. അതിന് ശേഷമാണ് വാക്സിൻ നൽകിയത്. കുട്ടിയുടെ മുറിവ് കഴിക്കാനുള്ള സോപ്പ് പോലും പുറത്ത് നിന്ന് വാങ്ങിക്കൊണ്ട് വരാൻ ആശുപത്രി അധികൃതർ പറഞ്ഞു. കുറച്ചു കൂടി നന്നായി ആശുപത്രി അധികൃതർ ഇടപെട്ടിരുന്നേൽ കുട്ടിയുടെ ജീവൻ രക്ഷിക്കാൻ കഴിയുമായിരുന്നുവെന്നും കുട്ടിയുടെ ജീവൻ വെച്ച് ആശുപത്രി അധികൃതർ പരീക്ഷണം നടത്തിയെന്നു അമ്മ രജനി കുറ്റപ്പെടുത്തി.
അഭിരാമിയെ കടിച്ചത് വളര്ത്തുനായയെന്ന് അമ്മ;കഴുത്തില് ബെല്റ്റും തുടലും
