നടിയെ ആക്രമിച്ച കേസിൽ വിചാരണ പൂര്ത്തിയാക്കാന് കൂടുതല് സമയം നല്കി സുപ്രീംകോടതി. വിചാരണ പൂര്ത്തിയാക്കാന് എല്ലാവരും സഹകരിക്കണമെന്ന് കോടതി ആവശ്യപ്പെട്ടു.ജനുവരി 31നുള്ളില് വിചാരണ പൂര്ത്തിയാക്കണമെന്നാണ് സുപ്രീംകോടതി നിര്ദേശം. സെഷന്സ് കോടതി ജഡ്ജി ഹണി എം വര്ഗീസ് നല്കിയ ഹര്ജിയിലാണ് നടപടി.വിചാരണയുടെ പുരോഗതി റിപ്പോര്ട്ട് നാല് ആഴ്ചയ്ക്കകം സമര്പ്പിക്കണമെന്നും നിര്ദേശിച്ചിട്ടുണ്ട്.
വിചാരണ സമയബന്ധിതമായി പൂർത്തിയാക്കാൻ കോടതിക്ക് നിർദേശം നൽകണമെന്നാവശ്യപ്പെട്ട് പ്രതിയായ ദിലീപ് നൽകിയ ഹർജിയുംകോടതി പരിഗണിച്ചിരുന്നു.സർക്കാരും പരാതിക്കാരിയും കേസ് നടപടികൾ നീട്ടിക്കൊണ്ടു പോകുകയാണെന്നും ദിലീപിന് വേണ്ടി ഹാജരായ അഭിഭാഷകൻ കോടതിയെ അറിയിച്ചു. എന്നാൽ ഇക്കാര്യത്തിൽ സുപ്രീംകോടതി ഇടപെട്ടില്ല.
