സംസ്ഥാനത്തെ ലഹരി ഉപയോഗം നിയമസഭയിൽ ഉന്നയിച്ച് പ്രതിപക്ഷം. പ്രതിപക്ഷ എം എൽ എ പിസി വിഷ്ണുനാഥാണ് നിയമസഭയിൽ അടിയന്തിരപ്രമേയത്തിന് നോട്ടീസ് നൽകിയത്.എംഡിഎംഎ അടക്കമുള്ള ലഹരി വസ്തുക്കളുടെ ഉപയോഗം വർധിച്ചുവരികയാണ്. കേസുകളിൽ പിടിയിലാകുന്നവരിൽ ഭൂരിഭാഗവും യുവാക്കളാണ്. വിഷയത്തിൽ അടിയന്തര നടപടി സ്വീകരിക്കണമെന്നും പ്രതിപക്ഷം ആവശ്യപ്പെട്ടു.
‘കേരളം മയക്കുമരുന്ന് ബാധിത മേഖലയായി മാറിയിരിക്കുകയാണ്. സ്കൂൾ വിദ്യാർത്ഥികളിൽ അടക്കം ലഹരി ഉപയോഗം വ്യാപകമാണ്. സ്കൂളിന്റെ പേര് ചീത്തയാകാതിരിക്കാൻ അധികൃതർ ഇക്കാര്യം മനപ്പൂർവം മറച്ചുവെക്കുകയാണ്’; പിസി വിഷ്ണുനാഥ് ചൂണ്ടിക്കാട്ടി.ലഹരി ഉപയോഗം, വ്യാപാരം എന്നിവ സമൂഹത്തിന് ഭീഷണിയാകുന്ന നിലയിലേക്ക് വര്ധിച്ചുവെന്നും തടയാൻ ഫലപ്രദമായ നടപടിയെടുക്കുമെന്നും മുഖ്യമന്ത്രി മറുപടി നൽകി.
എക്സൈസ്, പോലീസ് വകുപ്പുകള് ഏകോപിതമായി ലഹരിമരുന്നു വേട്ട നടത്തുന്നുണ്ട്. ലഹരി ഉപഭോഗം സംബന്ധിച്ച് 2020ല് 4,650 ഉം 2021 ല് 5,334 ഉം കേസുകളാണ് രജിസ്റ്റര് ചെയ്തിട്ടുള്ളത്. 2022 ല് ആഗസ്റ്റ് 29 വരെയുള്ള കണക്കുപ്രകാരം 16,128 കേസുകള് രജിസ്റ്റര് ചെയ്തിട്ടുണ്ട്. 2020 ല് 5,674 പേരെയും 2021 ല് 6,704 പേരെയും അറസ്റ്റ് ചെയ്തിരുന്നു. 2022 ല് 17,834 പേരെയാണ് അറസ്റ്റ് ചെയ്തിട്ടുള്ളത്.
വ്യാപാരാവശ്യത്തിനായി എത്തിച്ച 1,340 കിലോഗ്രാം കഞ്ചാവും 6.7 കിലോഗ്രാം എം.ഡി.എം.എയും 23.4 കിലോഗ്രാം ഹാഷിഷ് ഓയിലും ഈ വര്ഷം പിടിച്ചെടുത്തു.
നേരത്തെ കഞ്ചാവുപോലുള്ള ലഹരിവസ്തുക്കളാണ് വ്യാപകമായി ഉപയോഗിക്കപ്പെട്ടിരുന്നതെങ്കില് സിന്തറ്റിക് – രാസലഹരി വസ്തുക്കളുടെ വ്യാപനവും ഉപഭോഗവുമാണ് നിലവിലെ വലിയ ഭീഷണി. വിദ്യാഭ്യാസ സ്ഥാപനങ്ങളില് ഉള്പ്പെടെ ഇത്തരം ലഹരിമരുന്നുകള് എത്തിച്ചേരുന്നു. അങ്ങനെയുള്ള കേസുകള് പിടിക്കപ്പെട്ടിട്ടുണ്ട്.
എന്ഫോഴ്സ്മെന്റ് മാത്രമല്ല വിവിധ ജനവിഭാഗങ്ങളുടെയും സര്ക്കാര് സംവിധാനങ്ങളുടെയും ഏകോപിത സമീപനമാണ് ഈ വിപത്ത് തടയാന് ആവശ്യം. സര്ക്കാര് ഇക്കാര്യത്തില് ഫലപ്രദമായ നടപടികളാണ് സ്വീകരിച്ചു വരുന്നത്. മുഖ്യമന്ത്രി അറിയിച്ചു.
